Search Results

Markus Lynnong 1 1 Ka jingsdang ka Khubor Babha u Jisu Khrist, u Khun u Blei. 2 Kumne la thoh u nongïathuhlypa Isaïa: “Nga phah ïa u nonglam khubor jong Nga—ong u Trai—ha shuwa jong Me, ban pynkhreh ïa ka lynti jong Me; 3 Don uba pyrta ha ri kynjah: ‘To pynkhreh ïa ki lynti jong u Trai, to pynbeit ïa ki lynti syngkien jong U.’ ” 4 Kumta u Ïoannis u la paw ha ri kynjah, u da ïalap: “Ka jingkylla kaba mut ban ïoh ïa ka baptisma, bad ka jingmap ïa ki pop.” 5 Man la u briew na ka thaiñ Judea bad ka nongbah Jerusalem u la leit ban sngap ïa u Ïoannis. Ki la phla ïa la ki pop, bad u la pynbaptis ïa ki ha ka wah Jordan. 6 U Ioannis u la phong da ki sopti snieh ut, bad la u panpoh snieh ha ka syngkai jong u; u la bam da ki puit bad ka ngap khlaw. 7 U la pynbna ha ki paidbah: “Uta Uban wan hadien jong nga U kham khraw bor ban ïa nga; ngam long u babit wat ban dem bad ban law ïa ki saijuti jong U. 8 Nga pynbaptis ïa phi da ka um, hynrei Une Un pynbaptis ïa phi da u Mynsiem Bakhuid.” 9 Ym slem hadien, u Jisu U la wan na Nazareth kaba ha ka thaiñ Galilea, bad u Ïoannis u la pynbaptis ïa U ha ka Jordan. 10 U Jisu U tang shu kiew na ka um, U la ïohi ïa ka bneng kaba plie bad ïa u Mynsiem Uba wan hiar halor jong U kum ka paro. 11 Te ka sur ka la wan na bneng: “Me long u Khun ba-ieid jong Nga. Nga da hun eh ïa Me.” 12 Markumta u Mynsiem U la ïalam ïa U sha ri kynjah. 13 U la sah hangta sawphew sngi, bad u Soitan u la pynshoi ïa U. La don ruh ki mrad khlaw, bad ki angel ki la wan ai bam ai dih ïa U. 14 Ynda la thep phatok ïa u Ïoannis, u Jisu U la leit sha Galilea bad U la ïalap ïa ka Khubor Babha na u Blei. 15 “Ka ïá ka babiang ka la poi,” U la ong, “bad ka Hima u Blei ka la jan ! To kylla ka bamut bad to ngeit ïa ka Gospel !” 16 Katba u Jisu U la dang ïaid harud ka Pung Galilea, U la ïohi ar ngut ki nongtong dohkha, u Simon bad u para jong u u Andreas, ba ki ïatong dohkha ha ka pung da ka jar. 17 U Jisu U la ong ha ki, “Ale bad Nga, bad Ngan pynlong ïa phi ki nongtong briew.” 18 Markumta ki la ieh noh ïa la ki jar bad ki la bud ïa U. 19 U la leit kham shakhmat bad U la ïohi sa kiwei pat ar ngut shipara, u Jakob bad u Ïoannis, ki khun u Zebedi. Ki la dang ïasyrdep ïa ki jar ha ki lieng jong ki. 20 U Jisu, U tang shu ïohi ïa ki, U la khot ïa ki; te ki la ieh noh ïa u kpa jong ki u Zebedi ha ka lieng lem bad ki nongbylla, bad ki la bud ïa u Jisu. 21 Ki la poi ha Kapernaum, bad mar ïawan ka sngi sabath, U Jisu U la leit rung ha ka sinakok bad U la sdang ban hikai. 22 Ki briew kiba la ïohsngew ïa U ki la sngewbang bad sngewphylla ïa ka rukom hikai jong U. Um shym la hikai kum ki Stad-aiñ, hynrei kum uba don ka bor. 23 Markumta u briew uba shongksuid u la wan rung ha ka sinakok bad u la kyrkait; 24 “Me kwah aïu na ngi ko Jisu Nazareth? Me wan hangne ban pynjot ïa ngi ? Nga tip Me dei Uei: Me long u Bakhuid jong u Blei !” 25 U Jisu U la dumok ïa u ksuid: “Sngap jar, bad to mih noh na u briew !” 26 U mynsiem bymman u la pynkyrthat ïa uta u briew, u la lynñiar bad u la mih na u. 27 Baroh ki briew ki la lyngngoh jlang bad ki la sdang ban kylli para ma ki, “Kaei kane? Ka jait jinghikai ka bathymmai? Une u briew U don ka bor ban ai hukum wat ïa ki mynsiem bymkhuid, bad ki kohnguh ïa U !” 28 Te mar mar ka nam jong u Jisu ka la phriang kylleng ka thaiñ Galilea. 29 Ki la mih na ka sinakok bad ki la leit beit beit sha ïing u Simon bad u Andreas; u Jakob bad u Ïoannis ki la bud ïa ki. 30 Ka syngken kurim u Simon ka la thiahpang khieshoh, bad ki la ïathuh ha u Jisu tang mar shu poi. 31 U la leit sha ka, bad U la pynïeng ïa ka da kaba bat ïa ka na ka kti. Ka khieshoh ka la pyllait ïa ka bad shisyndon ka la sdang ban pynkhreh jynbam ïa ki. 32 Ynda premmiet, tang shu sep ka sngi, ki briew ki la wan rah ha u Jisu ïa kiba pang bad kiba shongksuid 33 Baroh ki trai shnong ki la ïalum hakhmat kata ka ïing. 34 U Jisu U la pynkoit bunbah kiba pang har rukom, bad U la beh noh bun ki ksuid. Um shym la shah ba ki ksuid kin kren ei ei, namar ki la tip U dei U ei. 35 Ynda U la khie dang step phyrngap, u Jisu U la mih na ïing bad U la leit sha ka jaka kynjah ban duwai. 36 Simon bad ki lok jong u ki la leit wad ïa U; 37 haba ki la shem ïa U ki la ong, “Baroh ki ïawad ïa Me.” 38 Hynrei u Jisu U la phai ktien: “Ngi dei ban leit sha kiwei pat ki shnong bamarkhap. Nga dei ban ïalap ha ki ruh, namar Nga la wan na ka bynta kane.” 39 Kumta U la leit kylleng ka Galilea, U da ïalap ha ki sinakok bad U beh noh ïa ki ksuid. 40 Uba pang ’ñianglyngkut u la wan sha u Jisu, bad, da kaba dem khohsiew, u la kyrpad jingïarap na U, “Lada Me mon,” u la ong, “Me lah ban pynkhuid ïa nga.” 41 U Jisu pat U la sngewsynei ïa u, U la kner ïa la ka kti bad U la ktah ïa u. “Nga mon,” U la jubab. “To khuid noh !” 42 Markumta u ’ñianglyngkut u la jah na u, bad u la khuid. 43 U Jisu U la bidong tyngeh ïa u bad U la phah noh ïa u shisyndon. 44 “Peit, wat ïathuh briew,” U la ong, “Khie leit bak bak sha u lyngdoh ba un peit-thuh ïa phi bad to tyrwa ïa ka jingainguh kaba u Moses u la hukum. Kane kan sakhi ba phi la khuid.” 45 Uta u briew u la leit noh bad u la sdang pynban ban pynphriang ïa kane ka khubor kylleng kylleng. U la pynbna paidbah haduh katta katta ba u Jisu Um lah shuh ban leit rung ha ki nongbah ha ka bapaw. Hynrei U la sah ha ki jaka kynjah, bad ki briew ki la wan sha U na kylleng. <

Markus Lynnong 3 1 U Jisu U la leit biang sha ka sinakok, bad la don hangta uwei u briew uba dkoh ka kti. 2 La don ruh hangta ki briew kiba la kwah ban kem daw ïa u Jisu; kumta ki la thap ïa U najan ban ïohi lada Un pynkoit ïano ïano ha ka sabath. 3 U Jisu U la ong ha uta u briew uba dkoh ka kti, “Ale shane shakhmat.” 4 Nangta U la kylli ïa ki paidbah: “Ka Aiñ jong ngi ka shah ban leh aïu ha ka sabath? Ban leh bha ne ban leh sniew? Ban pyllait ïa ka jingim u briew, ne ban pynduh ïa ka?” Ki pat ki la sngap la ka sngap. 5 U Jisu U la bitar haba U la peit sawdong ïa ki, bad U la sngewsih artat ïa ka jingmutlop bad ka jingmatlah jong ki. Te U la phai sha uta u briew, “To kner ïa la ka kti.” Une u la kner, bad ka kti ka la koit. 6 Kumta ki Pharisi ki la mih na ka sinakok bad ki la ïakynduh bad ki Herodian ban ïasylla kumno ban pynïap ïa u Jisu. 7 U Jisu bad ki synran jong U ki la kynriah noh sha ka Duriaw Galilea, bad bun byllai ki ïabud ïa U. Ki la wan na Galilea, na Judea, 8 na Jerusalem, na ka thaiñ Idumea, na shiliang ka Jordan, bad naduh ki thaiñ Tirus bad Sidon. Une u paid byllien u la wan sha u Jisu namarba u la ïohsngew ïa kaba U la leh. Haduh katta u bun u paid, ba u Jisu U la phah ïa ki synran ban pynkhreh kawei ka lieng, ïoh ki paidbah ki ïathynñian ïa U; 10 namarba U la pynkoit bun ki briew, bad baroh kiba pang ki la ïatur ban ïoh ktah ïa U. 11 Kiba shongksuid, ki tang shu ïohi ïa U, ki la ïadem khrup hakhmat jong U bad ki la kyrkait. “Me long u Khun u Blei!” 12 U Jisu U la maham tyngeh ïa ki mynsiem bymman ban ym pynpaw ïa U. 13 Te u Jisu U la kiew sha u lum bad U la khot sha lade ïa ki briew kiba U mon, bad ki la wan sha U. 14 U la thung khat-ar ngut ba kin dup ïadon lem bad U, bad ba Un dup ïoh phah ïa ki ban ïalap. 15 U la ai bor ruh ha ki ban beh noh ïa ki ksuid. 16 (Kine ki long ki khat-ar ngut ba U la thung): u Simon (ïa uba u Jisu U la khot Petrus); 17 u Jakob bad u para jong u, u Ïoannis, ki khun u Zebedi (ïa kiba u Jisu U la khot Boanerjes, kaba mut, ‘Ki Khun u Pyrthat’): 18 U Andreas, u Philip, u Batholomeus, u Matheus, u Thomas, u Jakob u khun u Alpheus, u Thaddeus, u Simon Kananeus, 19 bad u Judas Iskariot, u nongshetkylla. 20 U Jisu U la leit phai sha ïing, bad u paidbah u la lum lymbung ïa u Jisu bad ïa ki synran jong U haduh ba kim ïoh lad shuh ban bam. 21 Haba ki kur jong U ki la bna shaphang kane, ki la wan ban ïalam noh ïa U, namar don ba ong ba U la lamwir. 22 Ki Stad-aiñ kiba la ïawan naduh Jerusalem ki la ïa-ong, “U Beelzebul u shong ha U, bad dei da u rangbah ki ksuid ba U ïoh ka bor ban beh ïa kiwei pat ki ksuid,” 23 Kumta u Jisu U la khot ïa ki briew bad U la kren ha ki da ki pharshi: “Kumno u Soitan u lah ban beh noh ïa u Soitan? 24 Lada ka hima ka ïapait bad ka ïaleh makynti paralok, kata ka hima kan sa pra. 25 Bad lada ka ïing ka ïapait bad ka ïaleh makynti paralok kata ka ïing kan sa pra. 26 Kumjuh lada ka hima u Soitan ka ïapait, kam lah ban neh, hynrei kan sa pra bad kan sa kut ïawai. 27 “Ym don ba lah ban rung jubor hapoh ka ïing u bakhlaiñ bad ban knieh ïa ki mar ki mata jong u, lymda u khum shuwa ïa uta u bakhlaiñ; nangta u sa lute ïa ka ïing jong u. 28 “Shisha Nga ong ha phi ba ïa ki pop baroh jong ki khun bynriew bad ïa ki jingkren beiñ blei katba ki kren yn map noh. 29 Hynrei uno uno uban kren beiñ pyrshah ïa u Mynsiem Bakhuid un ym ïoh jingmap lano lano ruh; un kit pop junom bhor.” 30 U Jisu U la kren kumne namar ki la ong ba U don ïa u mynsiem bymkhuid. 31 Ka kmie bad ki hynmen ki para u Jisu ki la wan. Ki la ïeng habar ka ïing bad ki la phah khot ïa U. 32 U paidbah u ïashong tawiar ïa u Jisu, bad ki la ïathuh ha U, “Ka kmie bad ki hynmen ki para jong Me ki don habar, bad ki donkam ïa Me.” 33 U Jisu U la jubab, “Mano ka kmie jong Nga? Mano ki hynmen ki para jong Nga?” 34 U la peit ïa kita ki briew kiba shong tawiar ïa U bad U la ong, “Kine ki long ka kmie bad ki hynmen ki para jong Nga! 35 Jar uba leh ïa ka mon u Blei, uta keiñ u long u para, ne ka para, ne ka kmie jong Nga.” <

Matheus Lynnong 19 1 Ynda u Jisu U la dep kren ïa kine kiei kiei, U la mih na Galilea bad U la leit phai sha ka thaiñ Judea, sha shiliang ka wah Jordan. 2 Bunbah u paidbah u la bud ïa U, bad U la pynkoit ïa ki hangta. 3 Katto katne ngut ki Pharisi ki la wan sha U bad ki la tynjuh ïa U da kaba kylli, “Ka bit ne em ïa u briew ban pyllait ïa la ka tnga na kano kano ka daw?” 4 U Jisu U la jubab; “Phim pat shym pule ïa kane ka jynthoh? ‘Ha ka basdang u Nongthaw U la thaw ïa ki, shynrang bad kynthei, 5 bad U la rai: Na kane ka daw u shynrang un ieh noh ïa la u kpa bad ka kmie bad un ïasoh lang bad la ka tnga, bad ki ar ngut kin kylla long kawei.’ 6 Kumta kim long shuh ar ngut, hynrei kawei. Namarkata u briew um dei ban pynïakhlad ïa kaba u Blei U la pynïasoh lang.” 7 Ki Pharisi ki la kylli shuh shuh, “Te balei u Moses u la hukum ba, lada ïapyllait tnga, dei ban da ai ïa ka kot ïapyllait?” 8 U Jisu U la jubab: “U Moses u la shah ïa phi ban ïapyllait tnga namarba phi eh dohnud. Hynrei kam shym la long kumta ha ka basdang. 9 Nga ïathuh ïa phi, namarkata, ba uno uno u briew uba pyllait ïa la ka tnga—Ngam kren hangne shaphang kito kiba shu ïashong—u klim lada u ïashong bad kawei pat ka kynthei; bad uta uba shim tnga ïa kaba la ïapyllait, u klim.” 10 Ki synran jong U ki la ong ha U, “Lada ka long kumne hapdeng u shynrang bad ka tnga jong u, ka bha ban ym ïapoikha poiman. 11 U Jisu U la jubab: “Ym baroh ki peiphang bad pdiang ïa kane, hynrei tang kito ïa kiba u Blei U la mang. 12 Naba don kiba ym lah ban ïapoikha namarba la kha ïa ki kumta: don kiwei pat, namarba ki briew ki la pynlong ïa ki kumta, don sa kiwei pat kibym ïapoikha na ka bynta ka hima bneng. Te jar kiba lah ban peiphang ïa kane, to kin pdiang ïa ka.” 13 Don ki briew kiba la wan ïalam ki khynnah rit sha u Jisu ba Un buh ïa la ki kti halor jong ki, bad Un duwai, hynrei ki synran ki la mai ïa ki. 14 U Jisu U la ong, “Shah ba ki khynnah rit kin wan sha Nga. Wat khang ïa ki, namar ka Hima bneng ka dei ïa kum kine.” 15 U la buh ïa la ki kti halor jong ki, bad U la leit noh. 16 Uwei u briew u la wan sha u Jisu. U la kylli, “Ko Nonghikai, ka kam babha aïu nga dei ban leh ban ïoh ïa ka jingim bymjukut?” 17 “Balei phi kylli ïa Nga shaphang ka babha?” la ong u Jisu. “Don tang Uwei u babha. Lada phi kwah ban rung ha ka jingim, to sumar ïa ki hukum.” 18 “Ki hukum aïu?” u la kylli, U Jisu U la phai ktien: “Wat pynïap; wat klim; wat tuh; wat shukor; 19 to burom ïa la u kpa bad ka kmie; bad to ieid ïa la u para briew kum ïa lade.” 20 “Nga la kohnguh ïa kine ki hukum baroh,” la jubab uta u samla. “Te sa kaei shuh nga dei ban leh?” 21 U Jisu U la ong ha u, “Lada phi kwah ban long u bajanai, khie bad die baroh katba phi don, bad ai ïa ki pisa ha ki baduk, bad phin sa ïoh ka spah ha bneng; nangta ale, to bud ïa Nga.” 22 Haba uta u samla u la ïohsngew ïa kane, u la thangïong bad u la leit noh, namar u la long u bariewspah shibun. 23 Te u Jisu U la ong ha la ki synran: “Nga ong ha phi, kan long ka ba-eh da shisha ïa u bariewspah ban rung ha ka Hima bneng. 24 Sa kane Nga ong ha phi: ka kham suk ïa ka ut ban rung lyngba i thliew thyrnia ban ïa u ’riewspah ban rung ha ka hima u Blei.” 25 Haba ki synran ki la ïohsngew ïa kane ki la lyngngoh ngaiñ. “Mano te ba lah ban lait-im?” ki la kylli. 26 U Jisu U la peit thlip ïa ki bad U la jubab, “U briew um lah ïa kane; hynrei u Blei U lah baroh.” 27 Te u Petrus u la kem ktien, “Hakhmih, ngi la ieh noh lut ban bud ïa Me. Ngin ïoh aïu?” 28 U Jisu U la phai ktien ha ki: “Shisha Nga ong ha phi: ha ka Juk Bathymmai, ynda u Khun u Briew Un shong ha ka khet baphyrnai jong U, phi kiba la bud ïa Nga phin shong ha ki khat-ar khet ban bishar ïa ki khat-ar jait Israel. 29 Bad jar uba la ieh noh ïa la ki ïing ki sem, ïa la ki hynmen ki para, ïa la ki kmie ki kpa, ne ïa la ki khun, ne ki lyngkha na ka bynta jong Nga, un ïoh shispah shah, bad un ïoh ka jingim bymjukut. 30 “Bun ki banyngkong kin sa long khatduh bad ki bakhatduh kin sa long nyngkong.” Kitab

Markus Lynnong 15 1 Tang shu kynjat shai mynstep, ki rangbah lyngdoh ki la ïakynduh kyrkieh bad ki tymmen ki san, ki Stad-aiñ, bad ka Dorbar baroh kawei, ban ïarai lang. Ki la teh la khum ïa u Jisu, ki la ïalam noh ïa U bad ki la aiti ïa U ha u Pilatus. 2 U Pilatus u la kylli ïa U: “Me long u syiem ki Ju?” U Jisu U la jubab: “Hooid, ka dei kumba me ong.” 3 Ki rangbah lyngdoh ki la mudui bun kiei kiei pyrshah ïa u Jisu, 4 kumta u Pilatus u la kylli biang ïa U: “Mem jubab ei ei? Peit katno ki jingmudui pyrshah ïa Me!” 5 U Jisu U la sngap la ka sngap, bad u Pilatus u la lyngngoh ngaiñ. 6 Man la ka sngikhawai, u Pilatus u la ju pyllait uwei u koidi kat uba ki pan. 7 Ha kata ka por la don ha byndi uwei u briew uba kyrteng u Barabbas, ïa uba la set lang bad ki ’riewdakaid kiba la pynïap briew ha ka jingkhihwin. 8 Haba u paidbah u la ïalum lang bad u la kyrpad ïa u Pilatus ban leh kumba u ju leh, 9 u Pilatus u la kylli ïa ki: “Phi kwah ba ngan pyllait ïa u Syiem ki Ju?” 10 U la tip shai ba ki rangbah lyngdoh ki la aiti ïa u Jisu ha u namarba ki bishni. 11 Hynrei ki rangbah lyngdoh ki la kynshoit ïa u paidbah ban pan ba un pyllait ïa u Barabbas pynban. 12 U Pilatus u la kren ïa u paidbah: “Te phi kwah ban ngan leh aïu ïa Une Uba phi khot u Syiem ki Ju?” 13 Ki la ïapyrta jam “Sahnarphna ïa U!” 14 ”Hynrei U la leh sniew aïu?” la kylli u Pilatus. Ki la nangpyrta jam pynban, “Sahnarphna ïa U!” 15 U Pilatus pat, ba u kwah ban pynhun ïa u paidbah, u la pyllait ïa u Barabbas. Nangta u la phah sympat ïa u Jisu, bad u la aiti ba kin sahnarphna ïa U. 16 Ki shipai ki la ïalam ïa u Jisu sha phyllaw ïing u lat bad ki la khot lang ïa ka kynhun baroh kawei. 17 Ki la pynkup ïa u Jisu da ka jaiñsaw, ki la thaiñ ka pansngiat shiah, bad ki la pynphong ïa ka ha ka khlieh jong U. 18 Nangta ki la sdang ban khublei ïa U: “Khublei, ko Syiem ki Ju!” 19 Ki la tied ïa U na ka khlieh da u khah, ki la bynthiew ïa U, bad da kaba dem khohsiew hakhmat jong U, ki la leh mynleh kum ban nguh syiem ïa U. 20 Ynda ki la lah rkhie beiñ ïa U, ki la weng noh ïa ka jaiñsaw na U bad ki la pynkup da ki jaiñ jong U hi. Hadien kata ki la ïalam noh ïa U ban sahnarphna. 21 Ha lynti ki la ïakynduh ïa uwei u briew uba kyrteng u Simon, uba dang wan phai na lum; te ki la pynbor ïa u ban bah ïa ka diengphna u Jisu, (Une u dei u Simon uba na Kirini, u kpa u Aleksander bad u Ruphus). 22 Ki la ïalam ïa u Jisu sha ka jaka ba la khot Golgotha, kaba mut, ‘Ka jaka Maloikhlieh.’ 23 Ki la pyrshang ban ai ïa U ka waiñ ba la khleh bad ka mir, hynrei u Jisu Um treh dih. 24 Kumta ki la sahnarphna ïa U, bad ki la ïasam ïa ki jaiñ jong U da kaba ïakhalai nusib kat u badonbok. 25 Ka la long khyndai baje mynstep haba ki la sahnarphna ïa U. 26 Ki la thoh ïa ka jingmudui pyrshah ïa U, “U Syiem ki Ju 27 Sha kadiang bad sha kamon u Jisu, ki la sahnarphna ïa ar ngut ki dakaid. 29 Ki briew kiba ïaid lynti ki la kyrngah khlieh, ki la kyrkoh ïa u Jisu: “Kok khai! Me Uba la mut ban pyntwa ïa ka Tempyl bad ban tei ïa ka ha ki lai sngi! 30 Hiar mynta na kato ka diengphna bad pyllait ïa lade!” 31 Ha kajuh ka rukom ki rangbah lyngdoh bad ki Stad-aiñ ki la rkhie beiñ ïa u Jisu da kaba ïa-ong para ma ki: “Ïa kiwei U la pynim, hynrei ïa lade te Um lah! 32 Shuh ngin ïapeit ïa u Khrist, u Syiem ka Israel, ba U hiar mynta na ka diengphna, bad ngin ïangeit ïa U!” Bad ki ar ngut kiba la shah sahnarphna lang, ki ruh ki la kren beiñ ïa U. 33 Ha ka por shiteng sngi, ka ri baroh kawei ka la dum tliw haduh lai kynta. 34 Ha ka por lai baje u Jisu U la pyrta da ka sur ka bajam, ‘Eloi, Eloi, lama sabakhthani’? (Kaba mut, “Ko Blei jong nga ko Blei jong Nga, balei Me la ieh noh lyndet ïa Nga?”) 35 don na kiba ïaïeng hangta kiba la ïohsngew ïa U, bad ki la ong, “Ha sngap, U khot ïa u Elija!” 36 Uwei na ki u la mareh ban shim u sponj, u la wieh ïa u ha ka sirka, bad u la sieh ha tduh u dieng. Nangta u la pyndei ha ki rymmiang shyntur u Jisu, u ong, “Shuh, ngin ïapeit lada u Elija un wan ban pynhiar ïa U na ka diengphna!” 37 U Jisu U la pyrta jam, bad U la dkhut mynsiem. 38 Ka pyrda jong ka Tempyl ka la kad ar liang naduh khlieh haduh trai. 39 U rangbah shispah uba la ïeng mar pyrshah ka diengphna bad uba la ïohi kumno u Jisu U la ïap, u la phla, “Une U dei shisha u Khun u Blei!” 40 La don ruh ki kynthei hangta, kiba ïapeit na jngai. Hapdeng jong ki la don ka Maria Magdalena, ka Maria ka kmie u Jakob khynnah bad u Joses, bad ka Salome. 41 Kine ki la shait bud ïa u Jisu mynba U la don ha Galilea, bad ki la shakri ïa U. La don ruh kiwei pat ki kynthei hangta, kiba la wan bad U sha Jerusalem. 42 Ka la premmiet haba u Joseph na Arimathea u la poi. 43 U la long u rangbah shong dorbar badonburom uba la khmih lynti ïa ka jingwan ka Hima u Blei. Ka la long ka Sngi Pynkhreh (kata ka mut, ka sngi shuwa ka sabath); kumta u Joseph u la leit da kaba shlur hakhmat u Pilatus bad u la pan ïa ka met u Jisu. 44 U Pilatus u la lyngngoh ban ïohsngew ba u Jisu U la da ïap. U la khot ïa u rangbah shispah bad u la tohkit na u lada u Jisu U la ïap. 45 Haba u la tip na u rangbah shispah, u Pilatus u la ai ïa ka met ha u Joseph. 46 Une u la thied ka jaiñ linen, u la pynhiar ïa ka met u Jisu, u la spaiñ ïa U da ka jaiñ, bad u la buh ïa U ha ka jyntep ba la khlong ha u mawsiang. Nangta u la pyntyllun ïa u maw sha ka jynkhang jyntep. 47 Ka Maria Magdalena bad ka Maria ka kmie u Joses ki la peit-thuh bad ki la ïohi hangno la buh ïa u Jisu. <

Ka Gospel katkum u Markus < Baibyl < Jutang Bathymmai 1 2 3 4 5 6 7 8 9 10 11 12 13 14 15 16

Matheus Lynnong 10 1 U Jisu U la khot ïa ki khat-ar ngut ki synran jong U bad U la ai ha ki ïa ka bor ban beh noh ïa ki mynsiem bymman bad ban pynkoit baroh ki jingpang bad ki jingkhrew. 2 Kine ki kyrteng jong ki khat-ar ngut ki apostol: nyngkong, u Simon ïa uba la khot Petrus, bad u para jong u u Andreas; u Jakob bad u para jong u u Ïoannis, ki khun u Zebedi; 3 u Philip bad u Bartholomeus; u Thomas bad u Matheus, u nongkhrong khajna; u Jakob, u khun u Alpheus, bad u Thaddeus; 4 u Simon Rangieid ri bad u Judas Iskariot, uba la die noh ïa u Jisu. 5 U Jisu U la phah ïa kine ki khat-ar ngut da kaba bthah kumne: “Wat leit ha kano kano ka thaiñ jentil ne kano kano ka shnong Samaria. 6 Hynrei phin leit wad ïa ki langbrot ba la jah jong ka ïing Israel. 7 Khie leit bad to ïalap, “Ka Hima u Blei ka la jan!” 8 To pynkoit ïa kiba pang, pynim ïa kiba ïap, pynkhuid ïa kiba sa-’ñianglyngkut, beh noh ïa ki ksuid. Phi la ïoh ei, phi ruh to ai ei. 9 Wat thep ksiar, rupa ne pisa tyngka ei ei ha ki saipan jong phi 10 wat rah pla haba leit jingleit, lymne ar tylli ki sopti, lymne ki juti, lymne u diengduh. Naba ka dei ïa u nongtrei ban ïoh la ka bam. 11 “Haba phi poi ha ka nongbah ne nongrit, to wad ïa u briew uba phi lah ban shaniah, bad to sah bad u haduh ba phin da mih na kata ka jaka. 12 Haba phi rung ha kano kano ka ïing to ong, ‘Ka jingsuk ha phi!’ 13 Lada kiba ha ïing ki long ki babit, ka jingkyrkhu jong phi kan sah; lada kim long ki babit, ka jingkyrkhu kan phai biang sha phi. 14 Bad lada don ka ïing ne ka shnong kabym pdiang sngewbha ne shah shkor ïa phi, mih noh na kata ka jaka bad kynther ïa u pum pum na ki kjat jong phi. 15 Nga ong ha phi: ha ka akher ka sngi u Blei Un kham leh jem ïa ki Sodom bad ki Gomorra ban ïa ki briew jong kata ka shnong.” 16 “Da kynmaw, Nga phah ïa phi kum ki langbrot hapdeng ki suri. To long namarkata ki basian kum ki bseiñ bad ki baluilui kum ki paro. 17 To sumar, naba yn don ki briew kiban kem ïa phi bad ring sha ka ïing bishar, bad kin sympat ïa phi ha ki sinakok jong ki. 18 Kin sa tian bishar ïa phi hakhmat ki lyngskor bad ki syiem, kumta phin long sakhi ïa Nga ha ki bad ha ki jentil. 19 Haba ki tian bishar ïa phi, wat khuslai aïu ne kumno phin kren; ynda poi kata ka por, yn sa ai ha phi ïa kaei ban kren bad kumno ban kren. 20 Naba ki ktien ba phi kren kin ym long ki jong phi; kin wan na u Mysiem jong u Kpa jong phi Uba kren ha phi. 21 “Ki briew kin aiti ïa la ki para sha ka jingïap, kumjuh ki kpa kin leh ïa la ki khun; ki khun ruh kin ïeng pyrshah ïa la ki kmie ki kpa bad kin phah pynïap ïa ki. 22 Man la u briew un isih ïa phi namar jong Nga, hynrei u briew uba ïaineh haduh bakut, un lait-im. 23 Haba kin lehbeiñ ïa phi ha kawei ka shnong to phet noh sha kawei pat. Nga ong ha phi, phin ym lah pyndep lut ïa ki shnong Israel, shuwa ba Un wan u Khun u Briew. 24 “U synran um long kham khraw ïa u nonghikai jong u; u shakri um long kham khraw ïa u kynrad la jong. 25 U synran u dei ban hun ban kylla long kum u nonghikai jong u, bad u shakri kum u kynrad lajong. Lada ïa u kpa jong ka ïing la khot Beelzebul, katno lei lei kin khot ïa kiba ha ïing ha sem jong u!” 26 “Wat shah pyntieng ha ki briew. Ïa kaba la set, yn sa pynpaw; ïa kaba la buhrieh, yn sa sei madan. 27 Ïa kiba Nga ïathuh ïa phi ha ka badum, to kren ha ka bashai, bad ïa kaba phi ïohsngew ha ka shkor to ïalap nalor ïing. 28 Wat tieng ïa kito kiba pynïap ïa ka met, hynrei kibym lah ban pynïap ïa ka mynsiem; pynban to kham sheptieng ïa u Blei Uba lah ban pynjot bad met bad mynsiem ha dujok. 29 Hato kim die ïa ki sim ïing ar tylli shi pisa? Hynrei wat kawei na ki kam noh kjat ha khyndew khlem da mon u Kpa jong phi. 30 Wat ïa ki shñiuh khlieh jong phi baroh la ñiew. 31 Kumta wat khaw-eit: kham kor ma phi ban ïa ki sim ïing!” 32 Uta uba phla ïa Nga hakhmat ki briew, Nga ruh Ngan phla ïa u hakhmat u Kpa jong Nga Uba ha bneng. 33 Uta pat uban len ïa Nga hakhmat ki briew, Nga ruh Ngan len ïa u hakhmat u Kpa jong Nga Uba ha bneng.” 34 “Wat tharai ba Nga la wanlam ïa ka jingsuk ha ka pyrthei; em, Ngam shym la wanlam ïa ka jingsuk, hynrei ïa ka waitlam. 35 Nga la wan ban pynïashut ïa ki khun shynrang bad la ki kpa, ïa ki khun kynthei bad la ki kmie, ïa ki pyrsa kurim bad la ki kiaw kurim. 36 Ki nongshun ki basniew tam jong u briew kin long kiba ha ïing ha sem jong u. 37 “Uta uba kham ieid ïa la u kpa ne la kmie ban ïa Nga, um dawa ban long u jong Nga. Uta uba kham ieid ïa la u khun ne ka khun ban ïa Nga, um dawa ban long u jong Nga. 38 Uta ubym bah ïa la ka diengphna bad ubym bud ïa Nga, um dawa ban long u jong Nga. 39 Jar uba tyngkai ïa la ka jingim, un duh ïa ka; jar uba pha ïa la ka jingim na ka bynta jong Nga, un tyngkai ïa ka.” 40 “Uta uba pdiang ïa phi, u pdiang ïa Nga; bad uta uba pdiang ïa Nga, u pdiang ïa Uta Uba la phah ïa Nga. 41 Uta uba pdiang ïa u nonglam ktien u Blei namarba u long u nonglam ktien u Blei, un ïoh ka bainong jong u nonglam ktien u Blei. Uta pat uba pdiang ïa u ’riewhok namarba u long u ’riewhok, un ïoh ka bainong jong u ’riewhok. 42 Uta uba pdiang ïa u nonglam ktien u Blei namarba u long u nonglam ktien u Blei, un ïoh ka bainong jong u nonglam ktien u Blei. Uta pat uba pdiang ïa u ’riewhok namarba u long u ’riewhok, un ïoh ka bainong jong u ’riewhok. Kitab

< Markus Lynnong 12 1 U Jisu U la kren biang ha ki da ki pharshi: “La don uwei u briew uba la rep ka brisoh waiñ, u la ker baroh sawdong, u la tih thliew na ka bynta ka korkhem umsoh waiñ, bad u la tei ka ïing ap-phira. Nangta u la ai wai ïa ka brisoh ha ki nongrep, bad u la leit jingleit. 2 Ha ka aïom soh, u la phah ïa u shakri sha ki nongrep wai ban shim ïa la ka bynta na ka jingkheit soh, 3 ki la kem ïa u shakri ki la shoh ïa u bad ki la phah thylli. 4 Te u trai u la phah sa da uwei pat u shakri; ki la shoh ïa u ruh na ka khlieh bad ki la lehbeiñ ïa u. 5 U trai u la phah sa da uwei pat u shakri, bad ki la pynïap ïa u; bad ki la leh kumjuh ïa bun kiwei pat; don kiba ki shoh, don kiba ki pynïap. 6 Dang sah sa tang uwei ban phah, u khun thep-mynsiem jong uta u briew. Te khatduh khatwai u la phah ïa la u khun sha ki. ‘Nga ngeit skhem kin burom ïa u khun jong nga,’ u la ong. 7 Hynrei kita ki nongshim wai ki la ïa-ong para ma ki, ‘Une u long u nongïoh pateng. Ïa ngin pynïap noh ïa u, bad ka brisoh waiñ kan long ka jong ngi!’ 8 Kumta ki la kem ïa u khun bad ki la pynïap ïa u, bad ki la bret ïa ka met jong u shabar ka brisoh. 9 “Haba kumta, u trai ka brisoh un leh aïu ?” la kylli u Jisu, “Un wan bad un pynïap ïa kita ki briew, bad un ai ïa ka brisoh waiñ ha kiwei pat ki nongtrei wai. 10 Khlem pep phi la pule ïa kane ka Jynthoh: ‘U maw ïa uba ki nongtei ki la kyntait, u la kylla long u mawdong jong ka ïing. 11 Dei u Trai Uba la leh ïa kane. Katno ka long ka baphylla!’ ” 12 Ki rangbah Ju ki la wad lad ban kem ïa u Jisu, namarba ki la tip ba U la ïathuh khnang ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la ieh noh ïa U bad ki la leit noh. 13 La phah katto katne ngut ki Pharisi bad ki Herodian sha u Jisu ban ïoh kem daw ïa U ha ka jingkren. 14 Ki la wan sha U bad ki la ong: “Ko Nonghikai, ngi tip ba Me long u bahok, Ubym salia ïa kaba ki briew ki pyrkhat. Mem ñiew shiliang khmat ïano ïano ruh, hynrei Me hikai shida ïa ka mon u Blei. Ha ïathuh ïa ngi, ka bit ne em ban siew khajna ha u Kaisar? Ngi dei ban siew ne em?” 15 U Jisu U la ïohi lyngba ïa ka buit-tuh jong ki bad U la jubab: “Balei phi pyrshang ban riam ïa Nga? Ha wan rah ka tyngka rupa ba Ngan peit.” 16 Ki la wan rah ha U kawei, bad U la kylli, ‘Kane ka dur bad ka jynthoh jongno?’ “Ki jong u Kaisar,” ki la jubab. 17 Kumta u Jisu u la ong, “Te to siew ha u Kaisar ïa ki jong u Kaisar bad ha u Blei ïa ki jong u Blei.” Te ki la sngewphylla ïa U. 18 Ki Sadusi ki la wan sha u Jisu. (Dei ma ki kiba ong ba ki briew kin ym mihpat na ka jingïap.) 19 “Ko Nonghikai,” ki la ong, “u Moses u la thoh kane ka aiñ na ka bynta jong ngi: ‘Lada u briew u ïap bad u ieh noh ka tnga khlem khun, u para jong uta u briew u dei ban shim lok ïa kane ka ’riewkynthei, khnang ba kin dup ïoh khun na ka bynta uba la ïap.’ 20 Te ki la ïadon hynñiew ngut shipara; u hynmen rangbah u la ïoh lok bad u la ïap khlem khun. 21 Uba bud u la shim tnga ïa kata ka ’riewkynthei, bad u ruh u la ïap khlem khun. Ka la jia kumjuh ha u para u balai, 22 bad nangtra ter ter; baroh hynñiew ngut shipara ki la ïashong bad kata ka kynthei bad ki la ïap khlem khun. Khatduh eh, la ïap ka kynthei. 23 Mynta, ha ka sngi jingmihpat haba ki la khie im baroh, kan long ka tnga jongno? Baroh hynñiew ngut ki la dei lok ïa ka!” 24 U Jisu U la jubab ïa ki: “Katno phi bakla! Phi tip balei? Dei namar ba phim tip ïa ki Jynthoh ne ïa ka bor Blei. 25 Naba ynda ki baïap ki la mihpat, kin long kum ki angel ha bneng; hangta kin ym ïapoikha poiman. 26 Nalor kane, shaphang ka jingmihpat jong ki baïap, hato phim shym la pule ha ka Kitab u Moses shaphang ka ’lawbniap kaba ing? Kumno U Blei U la ong ha u Moses, ‘Nga long u Blei jong u Abraham u Blei jong u Isaak, bad u Blei jong u Jakob.’ 27 U long u Blei jong ki ba-im, ym jong ki baïap. Phi la bakla nadong shadong!” 28 U Stad-aiñ uba la don hangta u la ïohsngew ïa kine ki jingïakren. U la ïohi ba u Jisu U la jubab ka badei ïa ki Sadusi, kumta u la wan ban kylli ïa U: “Kaei ka hukum ka bakongsan tam?” 29 “Kane ka long ka bakongsan tam,” la jubab u Jisu. “ ‘To shah shkor, ko Israel! U Trai u Blei jong ngi U long tang ma U u Trai. 30 Te namarkata phi dei ban ieid ïa u Trai u Blei jong phi da ka dohnud jong phi baroh, da ka mynsiem jong phi baroh, da ka jingmut jong phi baroh bad da ka bor jong phi baroh.’ 31 Bad kane ka dei ka hukum ka ba-ar; ‘Phi dei ban ieid ïa la u para briew kum ïa lade hi.’ Ym don kano kano kawei pat ka hukum kaba kham kongsan ban ïa kine ar.” 32 Uta u Stad-aiñ u la ong ha u Jisu: “Me la kren ka badei, ko Nonghikai! Da shisha, kumba Me ong, ba don uwei u Blei bad ym don uwei pat lait na U. 33 Kumta u briew u dei ban ieid ïa u Blei da ka dohnud jong u baroh, da ka jingmut jong u baroh, bad da ka bor jong u baroh; bad u dei ban ieid ïa la u para briew kum ïa lade hi. Ka kham bha skikatdei eh ban kohnguh ïa kine ki hukum ar tylli ban ïa kaba wan rah ki mrad ban thang halor ka duwan bad ban tyrwa jynkñia ha u Blei.” 34 U Jisu U la ïohi katno U la ai ka jubab ka bastad, bad U la ong ïa u: “Phim jngai na ka Hima u Blei.” Hadien kane ym don ba nud kylli ei ei shuh ïa u Jisu. 35 Katba u Jisu U dang hikai ha ka tempyl U la buh ka jingkylli: “Kumno ki Stad-aiñ ki lah ban ong ba u Khrist Un hiar pateng na u Dabid? 36 U Mynsiem Bakhuid U la pyrsad mynsiem ïa u Dabid ban ong: ‘U Trai U la ong ha u kynrad jong nga: To shong ha ka kamon jong Nga, tat haduh ba Ngan da buh ïa ki nongshun jong Me hapoh ki slajat jong Me.’ 37 U Dabid u la khot ïa U ‘U Kynrad’: te kumno u Khrist U lah ban long u khun u ksiew jong u Dabid?” U paidbah paidsan u la sngap ïa u Jisu da ka jingkmen. 38 Katba U hikai ïa ki, U la ong: “Da husiar bha ïa ki Stad-aiñ, kiba kwah ban ïaid pynnoh jaiñkup bad ba yn ai khublei ïa ki ha ka jaka ïew. 39 Ki wad ki jaka ki bakynsai ha ki sinakok bad ki jaka khmat ha ki jingkhawai. 40 Ki bam-duh ïa ki ’riewkynthei bad ki lute ïa ki ïing jong ki, katba ki leh mynduwai jlan! Kin sa ïoh ka rai pynrem kaba kham jur!” 41 Katba u Jisu u dang shong pyrshah ïa ka jaka thep jingkynshew ha ka Tempyl, U la peit-thuh kumno u paidbah u noh pisa. Bun ki bariewspah ki la noh shibun; 42 nangta la wan kawei ka ’riewkynthei ka baduk, bad ka la noh ar damli kiba shongdor lajan shipisa. 43 U la khot lang ïa ki synran jong U bad U la ong ha ki: “Nga ong ha phi ba kane ka ’riewkynthei ka baduk ka la noh kham bun ha ka jingkynshew ban ïa kiwei pat baroh. 44 Namarba kiwei pat ki la noh ïa kaba tam na ka spah jong ki; hynrei ma ka, namarba ka duk, ka la noh lut katba ka don ei ban im.”

Markus Lynnong 4 1 Sa shisien u Jisu U la sdang ban hikai harud ka Duriaw Galilea. U paidbah uba lum sawdong ïa U u la bun katta katta haduh ba Um banse ban kiew ha ka lieng, bad U la shong ha ka. Ka lieng ka la don ha ka um, katba u paidbah u la ïeng ha ryngkew, ha thmit ka Duriaw. 2 U la hikai ïa ki bun kiei kiei da ki pharshi, bad kawei ka jinghikai ka la long: 3 “To shah shkor! La don uwei u briew uba la leit ban bet. 4 Katba u dang bet ïa u symbai, katto katne u la hap ha lynti, bad ki sim ki la wan ban puh ïa u. 5 Don ruh uba hap ha ka ’dewmaw ha kaba duna khyndew. U symbai u la mih kloi kloi namarba ka khyndew kam jylliew. 6 Haba ka sngi ka la ïeng, ka la thang ïa ki seilung, bad namar ki thied kim da jylliew bha, ki jynthung ki la tyrkhong shisyndon. 7 Katto katne ki symbai ki la hap hapdeng ki shiah, kiba la san bad kjap noh ïa ki jynthung, kumta kim shym seisoh. 8 Hynrei katto katne ki la hap ha ka khyndew ka babha. Ki jynthung ki la speh, ki la san bha, bad ki la sei soh: don kiba laiphew shah, kiba hynriewphew shah, bad kiba shispah shah ruh.” 9 Bad u Jisu U la pynkut da kaba ong, “Uta uba don ki shkor ban sngap, to un shah shkor!” 10 Haba u Jisu U la don tang marwei, ki khat-ar ngut lem bad ki katto katne kiwei pat ki la kyrpad ïa U ban batai ïa ki pharshi. 11 “Ha phi la ai ïa ka jingmut barieh jong ka Hima u Blei,” u Jisu U la jubab, “hynrei ïa kiwei pat kiba don habar, tang da ki pharshi, 12 kumta ba ‘Kin peit sa peit hynrei kin ym ïohi; kin sngap sa sngap hynrei khlem sngewthuh; kumta kin ym phai sha u Blei, te Un ym map ïa ki.’ ” 13 U Jisu U la kylli ïa ki: “Phim sngewthuh ïa kane ka pharshi? Te kumno phin sngewthuh ïa kano kano ka pharshi? 14 U nongbet u bet ïa ka ktien u Blei. 15 Teng teng ka ktien ka hap harud lynti; kine ki briew ki ïohsngew ïa ka, hynrei ki tang shu ïohsngew ïa ka, u Soitan u wan kloi lan bad u rong noh ïa ka ktien ba la bet ha ki. 16 Kiwei pat ki briew ki long kum ki symbai kiba hap ha ka jaka maw. Haba ki ïohsngew ïa ka ktien, ki pdiang ïa ka da ka jingkmen. 17 Hynrei kam ngam jylliew ha ki, kumta kim neh slem. Haba wan ka jingjynjar ne ka jingbánbeiñ na ka bynta ka ktien, ki ieh noh shisyndon. 18 Sa kiwei pat ki long kum ki symbai ba la bet hapdeng ki shiah. Kine ki long kita kiba ïohsngew ïa ka ktien, 19 hynrei ki jingkhuslai jong kane ka jingim, ka jingieid spah, bad ki jingbrai har rukom ki wan rung bad ki kjap ïa ka ktien, te kim sei soh. 20 Hynrei don ki briew kiba kum ki symbai ba la bet ha ka khyndew babha. Ki ïohsngew ïa ka ktien, ki pdiang ïa ka, bad ki sei soh: don kiba laiphew shah, kiba hynriewphew shah, bad kiba shispah shah ruh.” 21 U Jisu U la ong shuh: “Ju don mo mano mano uba thied ka sharak bad buh ïa ka hapoh ka pyrha ne ha khrum ka jynthiah ? Hato um buh ïa ka halor ka diengpynïeng sharak ? 22 Kat ïa kaba la buhrieh, yn sa wan rah ha ka bapaw; kat ïa kaba la tap, yn sa plie. 23 Uta uba don ki shkor ban sngap, to un shah shkor!” 24 U la ong ruh ha ki: “To da puson bad duriap ïa kaba phi ïohsngew! Katta katba phi ai, katta u Blei Un ai ïa phi—bad kham palat shuh shuh. 25 Ha uta uba don ei ei, yn ai shuh shuh; na uta ubym don ei ei, yn shim noh wat ïa ka khyndiat kaba u don.” 26 Nangta pat u Jisu U la ong: “Ka Hima u Blei ka long kum u briew uba bet symbai ha lyngkha. 27 U thiah mynmiet, u trei u ktah mynsngi, bad ha kata ka por ki symbai ki speh bad ki san. U pat um tip ei ei kumno ka jia. 28 Ka khyndew hi ka pynkhie ïa ki jynthung bad ka pynseisoh: u paw nyngkong u jyntang u balung, nangta ka kob, khatduh khatwai shityrjup u kew. 29 Mar ïa-ih u kew, u briew u wan da ka rashi, namar ka aïom ot ka la poi.” 30 “Bad ei ngin pynsyrïem ïa ka Hima u Blei?” la kylli u Jisu, “Da kaei ka pharshi ngin batai ïa ka? 31 Ka long kum u symbai sinapa, u symbai u barit tam ha ka pyrthei, U briew u shim bad u bet ha ka khyndew; 32 hadien katto katne u khie bad u kylla long u jynthung u baheh tam. Ki tnat jong u ki ïar haduh katta katta ba ki sim ki ïawan ban ïathaw skum hapoh ka jingkah tngen jong u.” 33 U Jisu U la ai ïa ka jinghikai jong U da ki pharshi kiba kum kine, ha ka rukom ba baroh ki lah ban peiphang. 34 Um ju kren ha ki khlem pharshi; hynrei haba U la don tang bad ki synran jong U, U la batai ha ki nadong shadong. 35 Ynda premmiet ha kata kajuh ka sngi, u Jisu U la ong ha ki synran, “Ïa ngin ïaleit sha shiliang ka duriaw.” 36 Kumta ki la phah noh ïa u paidbah. Ki synran ki ïalam ïa u Jisu kumta hi hapoh ka lieng. Kiwei pat ki lieng ki la bud nadien. 37 Ka lyer ka bajur ka la khie, bad ki dew ki la sdang ban phaloh ha ka lieng, haduh ba ka jan dap da ka um. 38 U Jisu U la ïohthiah ha ka tdong jong ka lieng, ka khlieh jong U halor syngkhlieh. Ki synran ki la kyrsiew ïa U, ki da ong, “Ko Nonghikai, Mem pyrwa ïoh ngi ïap?” 39 U Jisu U la khie bad U la dumok ïa ka lyer. Ïa ki dew U la ong, “Keiñ, noh, to jaijai!” Ka lyer ka la jem noh bad ka la don ka jingjaijai ka bakhraw. 40 Nangta u Jisu U la ong ha ki, “Balei phi ïakhaw-eit? Hato phim pat don jingngeit?” 41 Hynrei ki la sngewphieng haduh katta katta, bad ki la sdang ban ïakylli para ma ki, “Uei Keiñ Une? Wat ka lyer bad ki dew ki kohnguh ïa U!” <

Kitab Matheus Lynnong 23 1 Te u Jisu U la kren kumne ha ki paidbah bad ha la ki synran: 2 “Ki Stad-aiñ bad ki Pharisi ki dei ki nongmih bujli jong u Moses 3 Kumta phi dei ban kohnguh bad ban leh kat kaba ki ong ïa phi ban leh; hynrei wat pyrthuh ïa ki kam jong ki, namar ki ong bad kim leh. 4 Ki kynton ki jynkit ki bakhia bad ki teh ha ingdong jong ki briew, ma ki pat kim pynkhih wat ïa i shympriahkti lajong ban kit lem ïa ki. 5 Ïa kaba ki leh, ki leh tang ban ïohi ki briew. Peit kumno ki pynïar ïa la ki philakteri bad ki pynheh ïa ki rymmiang jain jong ki! 6 Ki jied ïa ki jaka ki babha tam ha ki jingkhawai, bad ki jaka khmat ha ki sinakok. 7 Ki sngewtynnat ba yn ai khublei ïa ki ha ki jaka ïew, bad ba yn khot ‘Nonghikai’ ïa ki. 8 Hynrei ma phi wat kwah ba yn khot ‘Nonghikai’, naba phi don tang uwei u Nonghikai, bad phi baroh khoit phi ïalong shipara. 9 Bad wat khot ‘Kpa’ ïano ïano ha ka pyrthei, naba don tang uwei u Kpa jong phi, Uba ha bneng. 10 Lymne wat shah khot ‘Nongïalam’, naba u Nongïalam jong phi U long tang uwei, u Khrist. 11 U bakhraw tam na phi un long u shakri jong phi. 12 Ïa uba pynkhraw ïa lade yn pynrit, bad ïa uba pynrit ïa lade yn pynkhraw.” 13 ‘Kordit ïa phi ki Stad-aiñ bad ki Pharisi arsap! Phi khang ïa ka jynkhang ka Hima bneng na ki briew; namar phi hi ïa lade phin ym rung, bad ïa kiwei ruh kiba kwah rung phim shah! [14 (Don ki jynthoh kiba bynrap ïa kane: Kordit ïa phi ki stad aiñ bad ki Pharisi, phi ki ar-sap. Phi bam-duh bad ki lute ïa ki ïing jong ki, katba ki leh mynduwai jlan! Kin sa ïoh ka rai pynrem kaba kham jur!] 15 “Kordit ïa phi ki Stad-aiñ bad ki Pharisi arsap! Phi shang kylleng ki ri bad ki duriaw ban pynkylla niam ïa uwei, bad ynda u la kylla, phi pynlong ïa u u khun ka dujok, arshah palat ïa phi! 16 “Kordit ïa phi ki nongïalam bamatlah! Phi hikai, ‘Lada u briew u smai da ka Tempyl, ym don jingteh; hynrei lada u smai da ka ksiar jong ka Tempyl, u dei ban pyndep.’ 17 Phi ki anna matlah! Kano kaba kham kongsan, ka ksiar ne ka Tempyl kaba pynkyntang ïa ka ksiar? 18 Phi hikai ruh, ‘Lada u briew u smai da ka duwan, ym don jingteh ïa u; hynrei lada u smai da ka jynai kaba halor ka duwan, u dei ban pyndep.’ 19 Katno phi matlah! Kano kaba kham kongsan, ka jynai ne ka duwan kaba pynkyntang ïa ka jynai? 20 U briew uba smai da ka duwan, u smai da ka, bad da ki jynai halor jong ka. 21 U briew uba smai da ka Tempyl, u smai da ka, bad da u Blei Uba shong hangta. 22 Bad haba u briew u smai da ka bneng, u smai da ka khet u Blei, bad da Uta Uba shong ha ka. 23 “Kordit ïa phi ki Stad-aiñ bad ki Pharisi arsap! Phi ai ha u Blei ïa ka bashiphew wat na ki jynthung musla, kum u pudina, ka siasia, bad u jira, katba phi lyndet ïa ki kamram kiba kham khia jong ka Aiñ, kum ka jingleh hok, ka jingleh isynei, bad ka mynsiem bat ktien. Ïa kine phi dei ban leh, khlem da pep ïa kiwei pat. 24 Ko nongïalam bamatlah! Ïa u mait te phi jiar na ka jyndih, hynrei ïa ka ut pat phi nguid! 25 “Kordit ïa phi ki Stad-aiñ bad ki Pharisi arsap! Phi pynkhuid ïa ka khuri bad ka pliang tang na shabar, kaba hapoh pat ka lati da ka jinglute bad ka jingbymkhuid. 26 Ko Pharisi matlah! To pynkhuid shuwa ïa kaba shapoh jong ka khuri bad ka pliang, bad kaba habar kan sa khuid ruh! 27 “Kordit ïa phi ki Stad-aiñ bad ki Pharisi arsap! Phi syrïem ïa ki jyntep ba la pushara, kiba itynnat na shabar, hynrei hapoh ki dap da ka met pyut bad ki shyieng jong ki baïap. 28 Kumjuh nabar phi paw kum kiba hok, hapoh pat phi dap da ka jingarsap bad jingbymman.” 29 “Kordit ïa phi ki Stad-aiñ bad ki Pharisi arsap! Phi tei ki jyntep ki baitynnat ïa ki nongïathuhlypa bad phi pynphuh ïa ki mot jong ki ’riewkhuid, 30 da kaba ong, ‘Lada ngi la im ha ka juk ki kpa tymmen jong ngi, ngin ym da la syllok lang bad ki ban pynïap ïa ki nongïathuhlypa.’ 31 Te kumta phi kubur pleng ba phi long ki khun ki ksiew jong kito kiba la pynïap ïa ki nongïathuhlypa! 32 Leh noh ban pyndep ïa kaba ki kpa jong phi ki la sdang! 33 Ko bseiñ, khun ka ’seiñpuh! Kumno phin lait na ka jingpynrem sha dujok? 34 Kumta Nga ong ha phi: Ngan phah sha phi ïa ki nongïathuhlypa, ki ’riewstad bad ki nonghikai; ïa ki katto katne phin pynïap, ïa kiwei pat phin sahnarphna, ïa kiwei phin sympat ha ki sinakok jong phi, bad phin beh na kawei ka shnong sha kawei pat, 35 haduh ba ka jingpynshitom kan lap ïa phi: ka jingpynshitom na ka bynta ka snam ki baluilui baroh, sdang naduh ka jingpynïap ïa u Abel haduh ka jingpynïap ïa u Zekharia, u khun u Barakhia, ïa uba phi la pynïap hapdeng ka jaka kyntang bad ka duwan. 36 Nga ong ha phi: ka jingpynshitom na ka bynta kane baroh kan hap halor kane ka pateng bynriew!” 37 “A Jerusalem, Jerusalem! Pha kaba pynïap ïa ki nongïathuhlypa bad kaba lynthem maw ïa kiba la phah sha pha! Katno sien Nga la kwah ban kdup ïa ki khun jong pha kumba ka syiar ka kdup ïa la ki khun hapoh thapniang, hynrei pham treh! 38 Te ïa ka ïing jong pha yn sa ieh noh kynjah. 39 Naduh mynta phan ym ïohi shuh ïa Nga—Nga ong ha pha—tat haduh ba phan da ong, ‘Suk Uta Uba wan ha ka kyrteng jong u Trai !’”

KI JINGDUWAI(PRAYERS) Ka rukom ba ka jingduwai ka dei ban long: Nyngkong eh weng ïa ki pop. Ngim lah ban phai sha u Blei bad ha ka juh ka por ban leh pop. Ngim lah ban phai sha ar ki liang ha ka juh ka por. Ym dei ban khuslai. "Wat khuslai bad wat sngewdiaw. To ngeit ha u Blei bad to ngeit ha Nga ruh" Ïoanis 14:1 Duwai ïa ka rukom u Rosary. Jingduwai Jubilee 2025 Jingduwai Ha ka Maria Jingduwai Ha u Jisu Jingduwai u Mynsiem Bakhuid Kiwei pat ki Jingduwai JINGDUWAI U SNEM JUBILEE 2025 Ko Kpa Uba ha bneng, to ai ba ka jingngeit ba Me la ai ha ngi, ha u Khun jong Me, u Jisu Khrist, u hynmen jong ngi, bad ba ka thylliej-ding jong ka jingieid sbun kan klang ha ki dohnud jong ngi da u Mynsiem Bakhuid, kan kyrwsiew biang ha ngi ïa ka jingkyrmen balakyrkhu, na ka bynta ka jingwan jong ka Hima jong Me. To ai ba ka jingaiei jong Me kan pynkylla dur ïa ngi sha ki nonglur-lyngkha bym ju shongthait, ban bet ïa ki symbai jong ka Gospel. To ai ba kito ki symbai kin pynkylla dur na shapoh ïa ka jaitbynriew bad ïa ka pyrthei mariang baroh kawei, ha ka jingkhmih lynti bathikna ïa ka bneng bathymmai bad ka pyrthei bathymmai, haba ynda ïa ki bor jong u bymman la weng noh, ka burom jong Me kan tyngshaiñ junom. To ai ba ka jingaiei jong ka Jubilee kan kyrsiew biang ha ngi, ki pilkrim jong ka jingkyrmen, ïa ka jingangnud ïa ki thiar jingkynshew ha Bneng. Ai ba kata ka juh ka jingaiei kan pynsaphriang ïa ka jingkmen bad jingsuk jong u Nongsiewspah jong ngi satlak ka pyrthei. Sha Me ko Blei jong ngi, Uba la kyrku junom, kan long ka burom bad ka jingïaroh junom. Amen. Franciscus Phai sha List Jingduwai KI JINGDUWAI HA KA MARIA Ha ka Maria ka Kmie ka Jingsngewsih Rosary Ummat Snam Ka Maria Theisotti Ha ka Kmie Basotti Bakhlem Pop Tynrai Ka jingpynkyntang ha ka Maria ka Kmie ka Jingsngewsih Ko Theisotti Bakhuid tam bad ko Syiem ki Martyr, ko Maria, jin lada nga la don ha Bneng, hangta ngan puson ïa ka burom ba la ai sha Phi da ka Triniti Bakhuid Tam bad da ka Dorbar Bneng baroh kawei! Hynrei naba nga dang long tang u pilkrim ha kane ka them bajawummat, to pdiang ïa nga, u shakri bym biang bad bym bitdor jong phi bad u nongpop bapli, ïa ka nguh syiem bad ka jingpyndem bapura jong ka jinglong shakri kaba manga kum u briew nga lah ban tyrwa. Ha ka Dohnud Batlem jong phi, kaba la dung da shibun tylli ki sum jong ka jingsngewsih, nga aiti mynta ka sngi ïa la ka mynsiem batlot junom la junom; pdiang ïa nga kum u nongïohbynta lem ha ka jingsngewsih kthang jong phi. Ryngkat bad phi, ko Maria, ngan shah ïa baroh ki jingshitom, ki jingkren pyrshah, ki jingpang, kiba pynsngewbha ïa u Khun Blei jong phi ba Un wan ha ka jingim jong nga. Nga tyrwa ha phi ïa kine baroh, ban kynmaw ïa ki jingsngewsih kthang kiba phi la shah ha ka jingim jong phi, ba baroh ki jingmut jingpyrkhat jong nga, baroh ki jingtied jong u klongsnam jong nga kin long nangne shakhmat kum ki jingsngewlem na ka bynta ki jingsngewsih jong phi, bad ki jingsngewbha na ka bynta ka burom ba phi la ïoh mynta ha Bneng. Ko Kmie baieid, mynta nga dang sngewlem ïa ki jingsngewsih kthang jong phi, bad risa kmen haba ïohi ba la pyndonburom ïa phi, phi ruh to sngewlem na ka bynta jong nga, bad pynïasuk ïa nga bad la u Khun jong phi, u Jisu, khnang ba ngan kylla long u khun bashisha bad bashaniah jong phi; to wan ha tmier ka jingïap jong nga bad synran lem ha ka jingpisa bakhatduh jong nga, kumba phi la don lang ha ka Jingpisa jong u Khun Blei jong phi, u Jisu, khnang ba na kane ka jingpynryngkar bashemjynjar ngan leit beit sha Bneng, hangta ban ïoh bynta lem ha ka burom jong phi. Amen. Ka jingduwai sha ka Kmie Basotti bakhlem pop tynrai Ko Theisotti Bakhuid tam bakhlem pop tynrai, bad ko Kmie Bneng baieid jong nga! Kum uwei uba kham tlot ban ïa uno uno, nga phet sha phi, ko Kmie jong u Trai jong nga, bad ko Syiem jong ka pyrthei baroh, ko jingshaniah bad ko jakarieh jong nga. Nga dem bad ai burom ïa phi, ko Syiem ki bneng. Nga ïaroh ïa phi naba phi la ïarap ban ïasaid lem na ka bynta jong nga kat haduh kane ka khyllipmat. Khamtam eh, nga ïaroh ïa phi ba phi la pyllait ïa nga na ka dujok, kaba bunsien nga dawa hok. O! Ko Kmie baieid eh jong u Blei, nga ieid ïa phi bad ngan ïaiburom ïaphi barabor; bad nga kular ruh ban wan ïalam bun ki mynsiem sha ka jingieid jong phi. Nga aiti ha phi ïa ka jingshngaiñ bad jingkyrmen jong nga, ko Kmie baieid. Nga duwai, ko Kmie ki jingaiei, ïada ïa nga uba shaniah ha phi, da ki jaiñkup basyaid jong phi. Pyllait ïa nga, ko Maria, na baroh ki jingtynjuh. Nga duwai, ko Kmie baieid, khnang ba ngan don ka jingieid bashitrhem ïa u Jisu. Nga kyrmen ba da ka jingïarap jong phi, ngan ïoh ïa ka jingïap suk. Ko Kmie Bakhuid tam, nga kyrpad ïa phi ban ïarap ïa nga man la ka por, bad khamtam eh ha tmier ka jingïap. Haduh ba phin da shem ïa nga ha bneng kum ka mynsiem ba la shah pynim, sngewbha wat iehnoh ïa nga, bad ngan ïai ïaroh ïa phi junom la junom, bad ngan ïai kynud ïa ki jingïarap lem jong phi. Kumta, nga shaniah ha phi, ko Kmie Bakhuid. Amen. U ROSARY JONG KI UMMAT-SNAM KA MARIA THEISOTTI BALAKYRKHU (U soitan u shah-rem bad u phet krad na kito kiba sam ne duwai ïa u Rosary) Ko Jisu ba la shah sahnarphna, ngi tyrwa ha Me ïa ki ummat-snam jong ka Kmie Bakhuid jong Me kaba dem ha ki kjat Bakhuid jong Me bad kaba bud ïa Me da ka jingieid badap isynei ha ka lynti ïaid bakordit sat jong Me sha Kalbari. Ko Trai Babha, ai ha ngi ki jingkyrkhu ban sngewthuh kham bha ïa ka khubor jong ki jingjaw ummat jong ka Kmie Bakhuid, kaba ïakhleh bad ka Snam Bakhuid, bad kumta ka la pyndep katkum ka Mon Bakhuid jong Me ban pynlah ïa ngi ban ïaroh bad mane ïa Me man la ka por ha bneng ryngkat bad ka Maria Bakhuid. (Ha ki symboh kpieng baheh jong u Rosary ) Ko Jisu, to peit isynei halor ki Ummat-snam Bakhuid jong ka Kmie Bakhuid jong Me, kaba la ieid ïa Me haduh katta katta ha kane ka pyrthei, bad kaba ïai ieid bad synshar lang bad Me ha Bneng. (shisien) (Ha ki symboh kpieng barit jong u Rosary ) Ko Jisu Baieid eh! Namar ki Ummat-snam Bakhuid ba la pynjaw da ka Kmie jong Me, to sngap ïa ki jingduwai jong ngi. (7 sien) Ko Jisu, to peit isynei halor ki Ummat-snam Bakhuid... (shisien) Ko Jisu Baieid eh! Namar ki Ummat-snam Bakhuid... (7 sien) (Ong biang ïa kitei ki jingduwai 7 sien) Phai sha List Jingduwai KI JINGDUWAI HA U JISU SHITYLLI BAD U JISU Jingduwai pyllaitluid Rosary ha ka Snam Bakordor tam u Jisu 12 tylli ki kular ka Dohnud Bakhuidtam u Jisu UNITY PRAYER OF PROTECTION AND DELIVERANCE KA JINGDUWAI SHITYLLI BAD U JISU BAN ÏOH KA JINGÏADA BAD JINGPYLLAIT Duwai 10 sien shi sngi man ka sngi lane la kumno kumno shisien shi sngi. Ko Jisu Baieid bad Bathiang tam Ai ba ki kjat jong ngi kin ïa ïaid ryngkat Ai ba ki kti jong ngi kin ïalum lang ha ka jingïatylli Ai ba ki dohnud jong ngi kin tied ryngkat Ai ba ki mynsiem jong ngi kin ïa ryntihlang Ai ba ki jingpyrkhat jong ngi kin ïa long kawei Ai ba ki shkor jong ngi kin sngap ryngkat ïa ka jingjar jar. Ai ba ki jingpeit jong ngi kin sam lyngba markylliang Ai ba ki rmiang shyntur jong ngi kin ïa duwai ryngkat, ban ïoh pdiang jingisynei na u Kpa Bymjukut. Amen. Kane ka dei ka jingduwai kaba u Jisu hi ha ka briew kaba kyrteng ka Elizabeth Kindelmann u la bthah ban thoh (dictated) ïa kaba la mynjur (imprimatur) da u Cardinal Erdo. Haba duwai ïa kane ka jingduwai shi syndon ka bor jong u Blei ka wan hiar bad "ka pynmatlah ïa u soitan" bad ki mynsiem briew kin ym shah ïalam sha ka pop. Unity prayer for Protection and Deliverance: My Adorable Jesus May our feet journey together. May our hands gather in unity. May our hearts beat in unison. May our souls be in harmony. May our thoughts be as one. May our ears listen to the silence together. May our glances profoundly penetrate each other. May our lips pray together to gain mercy from the Eternal Father. Amen. Through this prayer God captures of what He desires. Elizabeth : “Then the sweet Redeemer asked me to pray with Him the prayer that expresses His deepest desires (The Unity Prayer). I made this prayer completely mine. The Lord meditated on it many times with me, asserting that these are His eternal longings. He taught me this prayer, so that I would in turn teach it to others. With all our strength and mind, let us make our own His eternal thoughts and burning desires.” Jesus : “This prayer is an instrument in your hands. By collaborating with Me, Satan will be blinded by it; and because of his blindness, souls will not be led into sin.” (Spiritual Diary, page 43) Who is Elizabeth Kindlemann? Elizabeth Kindelmann OCDS (Secular Order of Discalced Carmelites) Elizabeth Szántò was born in Budapest, a city of about 1.6 million people. Really, it is two cities, Buda and Pest, with the Danube River in the middle. She was the thirteenth child, preceded by six pairs of twins. Elizabeth alone survived into adulthood. Elizabeth was orphaned at a young age. Her father died when she was about five. Because of her poor health, she lived for a time with her grandparents in the countryside. From ages six to ten, she attended elementary school. Then, she went to Switzerland, returned to Budapest, and later was supposed to be adopted by a Swiss family. However, she was late for the train and a young couple took her back to Budapest. In Budapest began the struggle of a 13-year-old orphan who needed to find work so she did not starve. As a lonely orphan who was often taken advantage of, she had many different jobs. Twice she tried to enter religious congregations, but was rejected. Fortunately, she discovered a Father Motray who became her confessor for many years. The turning point came in August 1929 when she was accepted for the parish choir. There she met Karoly Kindelmann, a chimney sweeper instructor (a good paying position). She was married on May 25, 1930, at the age of 16. They had six children (1931 – 1942). In 1946, her husband died. In 1948, the Communist Nationalization of Hungary was harsh. She was fired for political reasons (having a statue of the Blessed Mother in her home). By May 1951, she was in a humanly hopeless situation. Fortunately, she became a technical supervisor at a foundry (alluded to in the diary). This saved her family from starvation. She worked at a number of factories. Her children married and, with their grandchildren, moved back in with Elizabeth. Elizabeth’s diary begins on July 13, 1960, when she wrote about the beginning religious experience that introduced her to God’s presence. It speaks of three years of spiritual darkness (1958-1961) that prepared her for the locutions. The decisive moment came on July 16, 1961, the Feast of Our Lady of Mount Carmel (Elizabeth was a lay Carmelite, OCDS). And so the messages and writings of the Spiritual Diary began… On April 11, 1985, Elizabeth Kindelmann died at the age of 72, after a long illness that she bore with patience and was comforted by the Sacrament for the Dying. She was buried in Erd/Ofalu, about twenty-four kilometers South West of Budapest, on the banks of the Danube. In 2001, the remains of Elizabeth were transferred to the family crypt located in the Church of the Holy Spirit in Budapest, a place she used to visit every day. Rosary ha ka Snam Bakordor tam u Jisu Jingduwai Sdang: To sait ïa nga, ko Snam Bakordor u Jisu kaba kyrsoi na ka Diengphna ha Kalbari. To pynkhuid noh baroh ki pop bad ki jingduna jong nga da ka hok jong ka Snam Bakordor jong Me. Pynkylla ïa nga sha u jynthaw bathymmai da ka bor jong u Mynsiem Bakhuid, ïa Uba Me la kular. Pynlong ïa nga u sakhi ba-im jong Me. Amen. (Ko Kpa jong ngi…, Khublei ko Maria…, Ka Burom…, Nga ngeit…) Ka Jingmaïa Banyngkong Ko Trai Jisu Babha, namar ka syep jong Snam Bakordor jong Me, kaba la phlei ha kper Gethsemani, to theh halor jong ngi ïa ki jingkyrkhu jong Me. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid jong u Khun Baieid eh jong Me ha ka jingshahshitom jong U, bad namar ki ummat-snam jong ka Kmie Bakhuid, to theh ïa ki jingaiei halor ki khun balajied jong Me. Ka Jingmaïa Ba-ar Ko Jisu Bathiang tam, namar ka Snam Bakordor jong Me, kaba la phlei katba Me dang shah sympat ha u païa, to pynkoit ïa ki jingmong ha ki jingmut jingpyrkhat jong ngi bad to kyrkhu ïa ngi da ka jingsuk jong Me. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid… Ka Jingmaïa Balai Ko Jisu Baieid, namar ka Snam Bakordor jong Me, kaba la phlei katba Me dang shah pynphong pansngait shiah, to weng noh ïa ka jingeh dohnud hapoh jong ngi bad to kyrkhu ïa ngi da ka jingsngur jingmut bad jingjemnud. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid… Ka Jingmaïa Basaw Ko Jisu Badap Jingisynei, namar ka Snam Bakordor jong Me, kaba la phlei bad satah kylleng, katba Me dang bah ïa ka Diengphna bad katba Me dang kyllon laisien laiwat ryngkat ka Diengphna, to kyrkhu ïa ngi ba ngin ïai wad bad ïaineh ha ka Mon Bakhuid jong u Blei. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid… Ka Jingmaïa Basan Ko Jisu Badap Jingsngewlem, namar ka Snam Bakordor jong Me, kaba la phlei katba ki shipai ki dang loit jubor ïa ki jaiñ na ka met jong Me, to pyndap ïa ngi da ki jingaiei u Mynsiem Bakhuid. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid… Ka Jingmaïa Bahynriew Ko Jisu Nongsiewspah, namar ka Snam Bakordor jong Me, kaba la phlei katba Me dang shah sahnarphna da lai tylli ki prek, to pyllait ïa ngi na ka jingshahtehmraw bymlerkam ha kiei kiei jong kane ka pyrthei. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid… Ka Jingmaïa Bahynniew Ko Jisu, ko Blei jong ka jingïaineh skhem, namar ka Snam Bakordor jong Me, kaba la phlei katba Me dang shah dung da u sum na ka krung, to kyrkhu ïa ngi ba ngin long ki jong Me bad ma Me, Men long u jong ngi. (Ko Kpa jong ngi…) Ko Trai jong nga bad ko Jisu Khrist Nongpynim, to sait phar ïa nga bad to pynkhuid pynkyntang ïa nga da ka Snam Bakordor jong Me. (10 sien) (Ka Burom…) Ko Kpa bymjukut, namar ka jingpynsniewdur ïa ka Durkhmat Bakhuid… To ngin ïa duwai: Ko Jisu Baieid! Ngi ïaroh ïa Me, namar ka Snam Bakhuid jong Me, kaba Me la phlei na ka bynta ka jingieid ïa ngi. Ngi ieid ïa Me, ngi sngewnguh ïa Me bad ngi pyndonburom ïa Me. Da ka dor barem jong ka Snam Bakhuid jong Me, pynkhuid pynkyntang ïa ngi bad pynlong ïa ngi ki jong Me da kaba pyndap ïa ngi da u Mynsiem jong Me. To ai ha ngi ka jingpynim bymjukut bad ka jingpynsleh ban khring bun ki mynsiem sha Me. Amen. Ko Blei u Kpa, ngi sngewnguh ïa Me; baroh ka burom ka long ka jong Me, ngi ïaroh ïa Me! Ko Blei u Khun, ngi sngewnguh ïa Me; baroh ka burom ka long ka jong Me, ngi ïaroh ïa Me! Ko Blei u Mynsiem Bakhuid, ngi sngewnguh ïa Me; baroh ka burom ka long ka jong Me, ngi ïaroh ïa Me! (Ïaroh katto katne por ) Ko Jakarieh ki nongpop, ko Syiem ki Angel. To duwai na ka bynta jong ngi. Ka Burom kan long ha u Kpa, u Khun bad u Mynsiem Bakhuid. Amen. Litany ha ka Snam Bakordor jong u Jisu. Ko Trai, to isynei Ko Trai, to isynei Ko Khrist, to isynei. Ko Khrist, to isynei. Ko Trai, to isynei. Ko Trai, to isynei . Ko Jisu, to sngap ïa ngi. Ko Jisu, to sngap isynei ïa ngi. Ko Blei, ko Kpa ka Bneng To isynei ïa ngi. Ko Blei, Khun Nongsiewspah ka pyrthei, … Ko Blei, Mynsiem Bakhuid … Ko Triniti Bakhuid, Uwei u Blei … Snam u Khrist, u Khun bamarwei jong u Kpa Bymjukut. To pyllait ïa ngi . Snam u Khrist, Ka Ktien jong u Blei ba la wan longdoh, … Snam u Khrist, jong ka Jutang Bathymmai bad Bymjukut … Snam u Khrist, ba la hap halor ka khyndew ha ka jingkordit. … Snam u Khrist, ba la phlei khlem tyngkai ha ka jingshahsympat ... Snam u Khrist, bala tuid ha ka jingpynphong da ka Pangsngiat shiah. … Snam u Khrist, ba la theh halor ka Deingphna. … Snam u Khrist, ko dor jong ka jingpynim jong ngi…. Snam u Khrist, ka ba khlem ma ka ym don jingmap…. Snam u Khrist, ko jingdih Ïukharist bad jingtngen ki mynsiem…. Snam u Khrist, ko wah ka jingisynei…. Snam u Khrist, ko nongjop ïa ki ksuid…. Snam u Khrist, ko jingshlur jong ki Martir…. Snam u Khrist, ko jingkhlaiñ jong ki Nongsngap-phla…. Snam u Khrist, ko nongkha ïa ki Sotti…. Snam u Khrist, ko nongïarap jong kito kiba ha ki jingma…. Snam u Khrist, ko jingaram jong ki balanot…. Snam u Khrist, ko jingtngen ki basngewsih…. Snam u Khrist, ko jingkyrmen jong ki nongpop…. Snam u Khrist, ko jingtngen jong ki ba ha tmier ka jingïap…. Snam u Khrist, ko jingsuk bad jingjai-jai ki dohnud…. Snam u Khrist, ko jutang ka jingim bymjukut…. Snam u Khrist, ka ba pyllait ïa ki mynsiem na dingpynkhuid…. Snam u Khrist, ba don-hok tam ban ïoh burom bad ka nguh and dem…. Ko Khun Langbrot u Blei, uba kitnoh ki pop ka pyrthei. Pynim ïa ngi, ko Trai. Ko Khun Langbrot u Blei uba kitnoh ki pop ka pyrthei. To sngap isynei ïa ngi, ko Trai. Ko Khun Langbrot u Blei uba kitnoh ki pop ka pyrthei. To isynei ïa ngi. Phi la siewspah ïa ngi, Ko Trai ha ka Snam jong Phi. Bad phi la pynlong ïa ngi, na ka bynta u Blei, ka hima. To ngin ïa duwai: Ko Blei Badonbor-tam bad bymjukut, Phi la jied ïa u Khun bamarwei jong Phi, ban long u Nongsiewspah ka pyrthei, bad Phi la mon ban hun, da ka Snam jong U. To ai ngi kyrpad ïa Phi, ba ngin dup long ki bashonghok, ban mane ïa kane ka dor jong ka jingpynim ïa ngi, bad lyngba ka bor jong Ka, ban ïoh jingïada na ki jingbymman, jong kane ka jingim ba mynta, khnang ba ngin dup lah ban shadkmen ha ki soh jong ka, junom ha Bneng. Da u juh u Khrist u Trai jong ngi. Amen. Deliverance prayer. Taught by Jesus and Mary to Banabas of Nigera it has an Imprimatur of Bishop. It will drive out any demons in your family. This is like a sword. Most Precious Blood of Jesus Christ Save us and the whole world. Say 500 times daily. Snam Bakordor tam u Jisu Khrist, pynim ïa ngi bad ka pyrthei baroh kawei. Ka Maria Ka la ai ïa kane ka jingduwai. 12 tylli ki kular ka Dohnud Bakhuidtam u Jisu U Trai Jisu Khrist U la paw ha ka Sr. Margaret Mary Alacoque bakhuid ha u snem 1675 bad U la kular ïa kine ki 12 tylli ki jingaiei: 1. Ngan ai ha kita ki jingaiei badonkam ha ka jingim jong ki. 2. Ngan wanrah jingsuk ha ki ïing ki sem jong ki. 3. Ngan kynpham ïa ki ha ki por jingjynjar. 4. Kin sa shem ha ka Dohnud jong Nga ka jaka rieh bashisha khamtam ha ka khyllipmat jong ka jingïap. 5. Ngan theh kyrhai ki jingkyrkhu ha ki kam ki jam jong ki baroh. 6. Ki nongpop kin shem ha ka Dohnud jong Nga ka tlong bashlei jong ka jingisynei. 7. Ki dohnud bablem blem kin sa kylla shitrhem. 8. Ki mynsiem bashitrhem kin kiew irat sha ka jingjanai bakhraw. 9. Ngan kyrkhu ïa man la ka jaka ha kiba ïa ka dur ka Dohnud jong Nga la buh bad la burom. 10. Ngan ai ha ki Lyngdoh ïa ka jingaiei ban pynjem ïa kiba eh dohnud tam. 11. Kito kiba pynphriang ïa kane ka jinglehriewblei yn sa thoh ïa ki kyrteng jong ki ha ka Dohnud jong Nga. 12. Nga kular ha phi da ka jingisynei ka Dohnud jong Nga ba ka jingieid bakhraw eh jong Nga kan ai ha kito kiba pdiang Kommunion Bakhuid ha ki Sngi Thohdieng banyngkong jong u bnai, khyndai bnai lynter, ïa ka jingaiei jong ka jingïaishah haduh bakut; kin ym ïap khlem ka jingkylla bamut ne khlem da ïohpdiang ïa ki Sakrament. Ka Dohnud jong Nga kan long ka jaka rieh tngen jong ki ha ka khyllipmat bakhatduh. Phai sha List Jingduwai KI JINGDUWAI HA U MYNSIEM BAKHUID Rosary ha u Mynsiem Bakhuid Ka Jingduwai Baphylla ha u Mynsiem Bakhuid Credo Ko Kpa jong ngi… Khublei ko Maria… Ka Burom… “U Mynsiem Bakhuid Un sa hiar halor jong phi, bad ka bor jong u Bahakhlieh tam kan sa kah syrngiew ïa phi” Lukas 1:35 “Ko Mynsiem Bakhuid, ko jingkular u Trai jong ngi, pyndap ïa ka Jingim jong ngi”(10 sien) Ka Burom … “Ko Mynsiem Bakhuid, ko jingkular u Trai jong ngi, btin ïa ka Jingim jong ngi” (10 sien) Ka Burom … “Ko Mynsiem Bakhuid, ko jingkular u Trai jong ngi, pynkyntang ïa Jingim jong ngi” (10 sien) Ka Burom … “Ko Mynsiem Bakhuid, ko jingkular u Trai jong ngi, pynklang ha ngi da ka Ding Jingblei jong Me” (10 sien) Ka Burom … “Ko Mynsiem Bakhuid, ko jingkular u Trai jong ngi, pyndap ïa jingim jong ngi da ki jynai, ki soh bad ki sap ki phong”(10 sien) Ka Burom … Ka Jingduwai Baphylla ha u Mynsiem Bakhuid Ko Mynsiem Bakhuid, Phi uba pyni ha nga ïa kiei kiei bad Uba btin lynti ïa nga ban poi sha ka thong ka jingjanai, Phi uba ai ïa nga ka jynai jingblei ban map bad ban klet ïa baroh ki jingsniew ba kiwei ki la leh ïa nga bad Phi uba don bad nga ha baroh ki khep ka jingim jong nga. Ha kane ka jingïakren ba lyngkot, nga kwah ban sngewnguh ïa phi na ka bynta bun kiei kiei bad nga pynthikna sa shisien pat ba ngam kwah ban khlad na phi wat la ki jingbrai thala ki long kiba khlaiñ. Nga angnud ban don ryngkat bad Phi lem bad ki baieid bathoiñ jong nga ha ka burom bymjukut bad phi. Na ka bynta kane bad da ka jingpyndem ha ka mon bakhuid u Blei, nga kyrpad na phi ... (ong ïa ka jingthmu jong phi hangne ). Amen. Duwai ïa kane ka jingduwai 3(lai) sngi lynter. Hadien ka sngi ba-lai ïa ka jingangnud ba-shida jong phi watla ka long ka ba-eh katno katno ruh yn sa jubab. Phin kular ba ynda phi la ïoh ïa kaba phi la duwai ban sakhi paidbah. Kane ka long ban phynphriang ïa ka bor baphylla jong u Mynsiem Bakhuid Phai sha List Jingduwai KIWEI PAT KI JINGDUWAI Pangsngiat Pynbiang na ka bynta ki Lyngdoh Sohblei Pynkyntang Longïing Na Ka Bynta ka Jingisynei Na Ka Bynta ka Jingmap Na Ka Bynta ka Jingkylla ka bamut Ban ïoh kurim Ki Arngut Shi-Kurim Sngi Kha Ban ïoh khun Na ka bynta kiba pang Ka Pansngiat Jingpynbiang Lane Ka Jingtyrwa ha ka Snam Bakordor na ka bynta ki Lyngdoh Sohblei (La shim na ka kot 'In Sinu Jesu' - Ha ka shadem u Jisu) Kane ka pansngiat jong ka jingpynbiang bad ka jingïasaid la pynwan dur ban duwai da u rosary san jingmaïa kumba ju duwai rosary ha ka Maria. Ko Blei + to wan ban ïarap ïa nga; Ko Trai, to pynkloi ban ïarap ïa nga. Ka burom ha u Kpa bad ha u Khun bad ha u Mynsiem Bakhuid; Kumba ka la long ha kaba myn-nyngkong, kumjuh mynta bad borabor, junom la junom. Amen. Alleluia. (Por Lent & Advent: Ka Jingïaroh ïa Me, ko Trai, u Syiem ka burom bymjukut. ) Ha ki symboh Ko Kpa Jong ngi : Ko Kpa bymjukut, nga tyrwa ha Me ïa ka Snam Bakorkor jong u Khun Baieid eh jong Me,U Trai jong ngi u Jisu Khrist, U Langbrot ba khlem thohbria, ban pynbiang na ka bynta ki pop jong nga bad jong ki pop jong baroh ki Lyngdoh Sohblei jong Me. Ha ki symboh Khublei ko Maria: Da ka Snam Bakordor jong Me, ko Jisu, To pynkhuid bad pynkyntang ïa ki Lyngdoh Sohblei jong Me. Ha ka jaka jong ka Ka Burom ha u Kpa: Ko Pa, na Uba baroh ka jinglongkpa ha bneng bad ha khyndew la jer,To isynei ïa baroh ki Lyngdoh Sohblei jong Me, bad to said ïa ki ha ka Snam jong u Khun Langbrot. Ka jingduwai na ka bynta ka jingisynei Ko Blei baisynei, namar ka dor barem ba la siewspah da u Khun baieid eh jong Me bad u Trai jong ngi, u Jisu Khrist, to isynei ïa ngi ki batlot bad ki bapop. To map ïa ki jingbakla bad ki lait ki let kiba ma ngi, ki kmie ki kpa, ki hynmen ki para, ki bahaïing hasem, ki lok ki jor bad ki bahalor jong ngi, ngi la leh. Wat buh ïa ngi ha ka thup jingpynshitom ha ka Jingbishar jong Me, hynrei to pdiang ïa ngi kum ki jong Me da kaba sait bad pynkhuid ïa ngi ha ka Snam Bakordor, kaba la phlei na ka bynta jong ngi, da u Khun baieid eh jong Me. Ïada ïa ngi na ki jingsniew bad to pyllait ïa ngi na ki jingpynshoi baroh da ka bor jong ka Diengphna Bakhuid jong Me. Junom la junom, ko Trai Badonbor tam, u Kpa, u Khun bad u Mynsiem Bakhuid. Amen Ka jingduwai ban pynkyntang ïa ki longïing longsem Ko Blei, u Kpa, u Khun bad u Mynsiem Bakhuid, Uba la pynlong pynman bad kyrkhu kyrdoh ïa ka longïing longsem, ngi ngeit skhem ba Me don ryngkat lang bad ngi mynta. Ngi pyndonburom ïa Me. Ngi ieid ïa Me. Ngi sngewnguh ïa Me na ka bynta ki jingkyrkhu kyrhai ba Me la ai ha ngi met bad mynsiem. Ngi sngewsih na ka bynta la ki pop. Ngi kyrpad ïa Me ba Men map ïa ki lait ki let jong ngi. To synshar, ko Trai, ïa ki ïing ki sem jong ngi. Synshar ïa ki jingmut jingpyrkhat, ki ktien ki thylliej bad ki kam ki jam jong ngi. Pynkhlaiñ ïa ka jingngeit bad ri khuid ïa ngi. Kyrkhu ïa ngi khnang ba ngin lah ban ïaburom bad ïaieid markylliang. Ïalam ïa ngi ha ka jingsuk bad ka jingïalong kawei, khlem kino kino ki jingbym-ïasngewthuh jingmut bad ki jingïakajia. Ko Trai, to pasiaw ïa ka jingkhot jong Me na ka longïing longsem jong ngi ban mih ki lyngdoh bad ki riewniam ban shakri ïa Me bad ïa ka Balang. Ïarap bad ïada ïa kiba pang bashitom bad kiba sakma. Pyllait bad ïada ïa ngi na ka pop bad ki jingma baroh. Kyrkhu ïa kito baroh kiba la khlad noh na ki ïing ki sem jong ngi khnang ba kin ïohmad kloi ïa ka jingaiei bneng. To theh kyrhai ïa ki jingkyrkhu jong Me halor ki paramarjan marpa bad ki bahaïing hasem jong ngi. Ha kaba kut noh ka jingim, kyrkhu ïa ngi ko Trai, khnang ba mangi baroh ngin ïohbynta lem bad Me ha ka burom bneng bymjukut. Amen . Ka jingduwai na ka bynta ka jingmap Ko Trai Jisu baieid, Me uba la shahshitom da kaba map bad ïap da kaba shahshitom, nga map ha ka Kyrteng Bakhuid jong Me ïa kito baroh kiba la pynmong ïa nga. Ha ka Kyrteng Bakhuid jong Me, nga kyrpad ban ïoh ïa ka jingmap na kito baroh kiba nga la pynmong. Ko Trai, to ai ha ki ka jingaiei ba kin lah ban map ïa nga. Nga kyrpad ïa ka jingmap jong Me na ka bynta kito kiba ki kam basniew jong ki nga la ïohi, ïohsngew ne tip mynta. Nga ruh, nga map ïa ki. To pynkoit ïa ki jingmong jong ngi da kaba sait ïa ngi baroh ha ka Snam Bakordor jong Me, ko Trai Jisu. Pyndap ïa ngi da ka jingkmen, jingsuk bad jingied jong Me. Ai ha ngi ïa u Mynsiem Bakhuid. Nga ïaroh ïa Me Jisu na ka bynta baroh ki jingmong, ki jingeh bad ki jingjynjar kiba nga la ïohmad na ka daw ka jingbymïoh ïa ka jingieid ha ki sngi jong ka jinglong khynnah jong nga, bad ïa kiba nga dang ïai mad wat haduh kine ki sngi. Ko Trai Jisu, pyndap ïa nga da u Mynsiem jong Me ha baroh ki khep jong ka jingjynjar, ka jingsngewsih bad ka jingpang jingshitom jong nga. Pyntylli lang ïa baroh ki jingpang bad ki jingjynjar jong nga bad ki jingshahshitom jong Me khnang ba ngan long uba bit na ka bynta ka Jingpynim jong Me. Amen . Ka jingduwai na ka bynta ka jingkylla kabamut ki nongpop Ko Blei, ko Kpa Badonbor tam, ngi pyndonburom bad ïaroh ïa Me. Ngi sngewnguh ïa Me namar ba Me la thaw ïa u briew ha ka dur jong Me, bad namar ka jingieid jong Me, Me la phah ïa la u jong u Khun baieid eh ban pynim ïa u briew uba la phai noh na Me. Ko Trai, ngi duwai ha Me, Uba la khot ïa ngi sha ka jingkylla kabamut bad sha ka jingim bymjukut lyngba u Khun baieid eh jong Me bad u Trai jong ngi, u Jisu Khrist, to isynei ïa i... (ong ïa ka kyrteng jong u/ka briew) uba la shahteh shahkhum ha ka... (ong ïa ka jinglong basniew/ ka jingmlien basniew/ ka kam basniew/ ka jingleh palat jong u/ka briew). Ko Trai, Me uba la khot ïa ngi ban shun thlong mluh thlong sying ïa ka pop bad ki daw jong ka da kaba pynbna ba, ‘Phin sa jot noh lada phim kylla kabamut’, ktah ïa ine i hynmen para jong ngi, i... (kyrteng) da ka bor jong Me ban pynlah ïa i ban isih noh ïa ka pop bad ïa ki daw jong ka. Namar ka jingshahshitom bad ka jingshah sahnarphna jong u Khun Bakhuid jong Me, pyllait ïa i... na baroh ki jingshahteh shahkhum jong ka pop bad pynlah ïa ka dohnud jong i ban plie bad pdiang ïa u Khun Baieid eh jong Me, u Jisu Khrist, bad ïa u Mynsiem jong Me. Ko Trai Jisu, to synreit ïa i... da ka Snam Bakordor jong Me kaba Me la phlei halor ka Diengphna na ka bynta ka jingmap ïa ki pop. Bad da ka bor jong ka Diengphna Bakhuid jong Me, pyllait ïa i... na ki bor ka jingsniew baroh bad na ka bainong jong ka pop. Ko Badonbor tam, Me uba la kyrkhu ïa kito baroh kiba la ngeit ha u Jisu, u Khun Baieid eh jong Me, da ka jingaiei jong ka jinglong khun Blei, to kyrkhu ïa i... ban ngeit ha u Jisu, bad ban ïohpdiang ïa u Mynsiem Bakhuid jong Me khnang ba in dup khot ïa Me ‘Ko Pa’. Bad kumta, to ai ba ngin ïalum lang ban khot ïa ka Kyrteng Bakhuid jong Me, ban duwai bad pyndonburom ïa Me. Junom la junom, u Trai Badonbor tam, u Kpa, u Khun bad u Mynsiem Bakhuid. Amen . (Ko Kpa jong ngi..., Khublei ko Maria..., Ka burom...) Ka jingduwai ban ïoh kurim Ko Blei, u Kpa, u Khun bad u Mynsiem Bakhuid, nga ïaroh ïa Me namar ba Me la thaw ïa ki briew shynrang bad kynthei. Nga pynpaw ka jingkmen ïa Me na ka bynta ka jingïada baïaineh haba Me ïalam bad tehsong ïa ka shongkha shongman bad kyntiew ïa ki arngut sha ka kyrdan jong ka jinglongkmie longkpa. Nga sngewnguh ïa Me ba Me la kyrkhu ïa nga da ka jingsngewtynnad bad ka jingkhot sha ka jingim shitnga. Nga thrang ïa ka jingim shikurim kaba katkum ka Mon Bakhuid jong Me. Ko Trai, Me tip kham bha ïa ka jingthrang ka dohnud, ka jingkyrmen bad ka hok ka sot jong nga ban ïa nga, to jied hi ma Me ïa u/ka kurim na ka bynta jong nga. Ko Trai, ma Me uba la jied da ka kam phylla jong Me ïa u Tobias bad ka Sarah bad kyntiew ïa ki sha ka jingim shikurim kaba dap kyrhai da ka jingkyrkhu jong Me, to pyni ha nga ïa u/ka briew ïa uba/kaba Me la jied na ka bynta jong nga. To kyrkhu, ko Trai, ïa ka jingkyntiew-kurim jong ngi ba kan bit kan biang bad ïaid-beit ïaid-ryntih khlem kano kano ka jingpynthud. Amen . Ka jingduwai jong ki arngut shikurim Ko Blei, ko Kpa Badonbor tam, ngi pyndonburom ïa Me, ngi ïaroh ïa Me bad ngi sngewnguh ïa Me na ka bynta ka jingim shikurim jong ngi kaba la sdang da ka jingkyrkhu kyrdoh jong Me. Ïarap ïa ngi ba ngin long kiba ïaineh ha ka jingkhuid jingkyntang, ban im da ka jingieid bad jingïasngewthuh jingmut markylliang. Pynkhlaiñ ïa ngi, Trai, ba ngin ïashimbynta lang ïa ki jingthrang jingangnud, ki jingkyrmen bad ki jingsngewdiaw, ki jingjop bad jingshahrem, ki jingkmen bad jingsngewsih. Wat shah ïa ngi, Trai, ban ïakynnoh iwei ïa iwei pat. Ïada ïa ngi na ki jingbymïasngewthuh jingmut bad ki jingïabitar. To ai ba yn ym don kano kano ka bor ne mano mano hangne ha pyrthei ban lah ban pynïakhlad ïa ngi. Ïarap ïa ngi, Trai, ba ngin jan sha Me da kawei ka jingmut bad ban ïoh jakarieh da kaba phai sha Me ha ki jingsngewsih bad ki jingeh jingjynjar baroh. Pyndap ïa ngi da ka bor ba ngin lah ban ai kham bun ban ïa kaba ngi ïohpdiang, ban ieid kham palat ban ïa kaba ngi ïoh jingieid, ban sngewthuh kham bha ban ïa kaba kiwei ki sngewthuh ïa ngi. Ïarap ïa ngi Trai, ban im ka jingim kaban pynsngewbha ïa Me man la ka por da kaba shimti ïa ki jingkitkhlieh baroh ba Me la pynkhamti ha ngi. Ngi sngewnguh ïa Me, Trai, na ka bynta ki khun ki kti, i... (jer kyrteng ïa ki khun) kiba Me la ai kum ki jingaisngewbha jong Me. Ïarap ïa ki ba kin nang san ha ka jingieid jong Me, bad ha ka jingngeit baskhem da ka jingsumar sukher jong Me, bad ba kin dup heh dup san ha ka rukom kaban pynsngewbha ïa Me. Ïada ïa ki, Trai, na ki bor jong ka pop bad ki jingpynshoi. Bad namarkata, kyrkhu ïa ngi khnang ba ngin poi baroh sha ka ïingshongneh bad Me ha bneng. Junom la junom, u Trai Badonbor tam, u Kpa, u Khun bad u Mynsiem Bakhuid. Amen . Ka jingduwai Sngikha Ko Jisu Bathiang tam, nga ïaroh ïa Me ba me la ai ïanga sa uwei pat u snem ha ka jingim jong nga. Nga ïaikynmaw bad sngewnguh barabor ïa Me na ka bynta ki jingkyrkhu ba Me la theh kyrhai ha nga ha une u snem ba la dep. Ko Trai, pynkylla ïa ki por jong ka jingjop jong nga sha ki jingkynmaw ieid; ïa ki jingshahrem jong nga ban sngewthuh ïa ka jingtlot jong nga bad ai ba kin long ki lad ban kham shaniah ha Me. To ai ba ki jingsngewsih jong nga kin ïarap ban wanlam ïa nga khamjan sha ka sem langbrot jong Me. Nga sngewsih na ka bynta ki kynta kiba nga la pynsyrwa kai, bad na ka bynta ki khyllipmat ba nga la pynsngewsih ïa Me. Nga khlem lah ban pynïaid ïa ka jingim jong nga katkum ka Mon Bakhuid jong Me. Pynban, Trai, ha une u snem thymmai, ïarap ïa nga ban sdang thymmai noh ïa la ka jingim hadien ba nga la pynbeit ïa ki jingbymbiang baroh, khnang ban wanrah burom ïa ki kmie ki kpa, ki bahaïing hasem bad ïalade hi. Ko Trai, to theh kyrhai ki jingkyrkhu halor ki kmie ki kpa jong nga kiba la ai ïa nga ïa kane ka jingim bad pynheh pynsan ïa nga, bad ïa ki bahaïing hasem kiba la ieid la thoin bad ïarap ha ka jingim jong nga, bad ïa baroh kito kiba kynmaw ïa kane ka sngi bad kiba la khublei bad duwai na ka bynta jong nga. Amen . Ka jingduwai ban ïoh khun Ha ka kyrteng u Kpa, u Khun bad u Mynsiem Bakhuid. Amen. Ko Blei, ko Kpa baieid jong ngi, ngi sngewnguh ïa Me ba me la ïalam lynti ïa ngi sha ka shongkha shongman. Ngi duwai ha Me, ko Kpa, uba tip kham bha ïa ki jingthmu bad jingangnud jong ngi, lada ka long ka Mon Bakhuid jong Me, kyrkhu bad ai ha ngi ïa i khun. Ko Trai jong ka jinglongmie jinglongkpa, to map ïa ki pop bad ki jingbakla jong ngi, bad kyrkhu ïa ngi. Ko Blei, ko Kpa jong ngi, Uba la kyntiew ïa ka Maria Theisotti Batlem sha ka jinglong Kmie baphylla; Uba la pynlongkmie longkpa ïa u Abraham bad ka Sara wat ha ka jinglong tymmen jong ki; lada Me mon, ai ha ngi ruh ïa ka jingkyrkhu jong Me ban longkmie longkpa. Pynseisoh ïa ka jingim jong ngi khlem da shah kynthoh da ka jingdon bad jingieid jong i khun. Namarkata, ko Trai, shah ïa ngi ban long kiba donbok ban ïohmad ïa ka jingieid jong Me ha kane ka pyrthei. Amen. Ka jingduwai na ka bynta kiba pang Ko Trai, Jisu, Me uba la pynpaw ïa ka jingieid bad jingsngewlem sha kiba pang bashitom bad kiba shem jynjar da kaba ong ba ‘kiba koit bakhiah kim donkam ïa u nongpynkhiah, hynrei tang kiba pang keiñ’, ngi ïaroh bad pyndonburom ïa Me. Pyntngen bad pynkoit ïa baroh kiba pang bashitom kiba shem jynjar met bad mynsiem. Ko Trai Jisu, Me uba la pynpeit ïa kiba matlah, uba la pynïohsngew biang ïa kiba kyllut bad uba la pynkoit ïa kiba pang bashitom, lehsbun ïa ngi kiba khot kyrpad bad buh jingshaniah ha ka Kyrteng Bakhuid jong Me. Da kaba pyrkhat sngewlem ïa ki kam babha jong baroh ki briew babha ha kane ka pyrthei, bad jong baroh ki riewkhuid bad ki nongïasaid, bad jong u Joseph, bad jong ka Kmie jong Me, ka Maria Theisoitti Balakyrkhu, to isynei ïa ngi kiba shem jynjar na ka daw jong ki jingpang jingshitom. To ai ha ngi ki jingkyrkhu ba ngin lah ban pdiang suk mynsiem ïa baroh ki jingpang jingtyrha bad ki jingkhuslai jingmut da ka jingkmen, jingïaishah bad jingaiti lut ha ka Mon Bakhuid jong Me na ka bynta ka jingmyntoi ka mynsiem bad ka met jong ngi. To kyrkhu kyrhai ïa kito baroh kiba sumar sukher bad kiba peit bakhmih ïa ngi. To kner ïa ka Kti Kamon bapynkoit jong Me, ko Jisu, ko jakarieh jong kiba pang bashitom, kyrkhu bad pyntngen ïa ngi da ka jingkoit jingkhiah bapura. Junom la junom, ko Trai Badonbor baroh, u Kpa, u Khun bad u Mynsiem Bakhuid. Amen . Phai sha List Jingduwai

Markus Lynnong 16 1 Ynda la lah ka sabath, ka Maria Magdalena, ka Maria ka kmie u Jakob, bad ka Salome, ki la thied jingpynsleh iwbih ban leit kyllan ïa ka met u Jisu. 2 Dang step ha ka sngi nyngkong jong ka taïew, mar ïamih ka sngi, ki la leit sha jyntep. 3 Ha lynti ki la ïa-ong para ma ki, “Mano keiñ ban pyntyllun ïa u maw na jynkhang jyntep na ka bynta jong ngi?” 4 Haba ki la ïapeit, ki la shem ba ïa u maw la lah pyntyllun. (Bad u la long u maw u baheh shibun). 5 Kumta ki la rung ha jyntep, bad ki la ïohi ïa u samla uba shong ha kamon bad u riam lieh—bad ki la tieng her. 6 “Wat sheptieng,” u la ong. “Phi ïawad ïa u Jisu Nazareth ïa Uba la sahnarphna. Um don hangne. U la mihpat: ha peit ka jaka ha kaba ki la buh ïa U. 7 Mynta khie leit ai ïa kane ka khubor ha ki synran jong U bad ha u Petrus: ‘U la leit sha shuwa jong phi sha Galilea; phin lap ïa U hangta, kumba U la ïathuh ïa phi.’ ” 8 Kumta ki la mih bad ki la mareh bak bak na ka jyntep; ki la tieng ym don pyrthei shuh! Te kim shym ïathuh hano hano namarba ki la khaw-eit eh. 9 Ynda u Jisu U la mihpat na ka jingïap, dang step ha ka sngi nynkong jong ka taïew, U la paw nyngkong ha ka Maria Magdalena na kaba u la beh hynñiew ngut ki ksuid. 10 Ka la leit ïathuh ha ki lok jong U. Ki dang ïaïam sngewsih; 11 bad haba ki la ïohsngew ba u dang im bad ba ka la ïohi ïa U, kim shym ngeit ïa ka. 12 Nadien kane, u Jisu U la paw ha kawei pat ka dur ha ki ar ngut na ki synran katba ki dang ïaleit sha nongkyndong. 13 Ki la leit phai ban ïathuh ha kiwei pat, hynrei kita kim treh ban ngeit. 14 Khatduh eh, u Jisu U la paw ha ki khatwei ngut ki synran katba ki dang ïabam. U la mai ïa ka jingbymngeit jong ki, namarba ki la pyn-eh dukhi ban ngeit ïa kito kiba la ïohi ïa U hadien ba U la mihpat. 15 U la ong ha ki: “Khie leit satlak ka pyrthei bad to ïalap ïa ka Khubor Babha ha ki jynthaw baroh. 16 Jar uba ngeit bad uba ïoh baptisma un lait im; jar ubym ngeit, yn pynrem. 17 Kine ki dak kin ïaid synran ïa ki bangeit: ha ka kyrteng jong Nga kin beh noh ïa ki ksuid; kin kren ki ktien bathymmai; 18 lada kin rah ïa ki bseiñ ne kin dih ïa ka bih, kan ym pynsniew ïa ki; kin buh ïa ki kti ha ki bapang, bad kito kin koit khran.” 19 Hadien ba u Trai Jisu U la lah ïakren bad ki, U la kiew sha bneng bad U la shong ha ka kamon u Blei. 20 Ki synran ki la ïaleit ïalap kylleng sawdong, bad u Trai U la trei lang bad ki, U la pynskhem ïa ka jingïalap jong ki da ki kambah kiba bud. <