KA SUR U NONGSIEWSPAH
HOLY REDEEMER RENEWAL CENTRE MAWKHLAM
A Fransalian Renewal Ministry
Vol. HRRC/01/August/2024 [Private Circulation]
Khubor Na Rev. Fr Joby Mathew
MSFS, Director:
Nga ai khublei jingsuk bad jingkmen ïa phi baroh. Sa shisien ngi kwah ban ïaphylliew jingmut bad phi halor ka Phang Ka jinglaitluid. Ha ka Kospel jong u Ïoanis 8:32, ngi pule ba U Jisu U ong, "phin sa tip ïa ka jingshisha, bad ka jingshisha kan sa pynlong ïa phi ki balaitluid.” Lada ngi peit ïa ka pyrthei sawdong ngi lah ban ïohi bun ki briew ki im hapdeng bun ki jingeh. Don ki briew kiba im hapdeng ki jingpang jingshitom, jingduk, jingsngewsih, jingjynjar ba bun jait, jingïapher jingmut hapdeng ki baieid bathoiñ, don ruh ki briew kiba kyrni ki jingdih ba bun jait, don ruh kiba mlien ïa ki jingmlien basniew kumta ter ter. Hapdeng ki jingeh ba bun mano ba lah ban ai jingkyrmen ia ngi?
Ngi ïohsngew ba ha bun ki jaka ha ka pyrthei mynta ka la sdang ka jingïakhih paidbah pyrshah ïa ki sorkar bad pyrshah ïa ki jaitbynriew bapher bapher. Ngi ïohsnew shaphang ki jingïaum-snam ha bun ki jaka, wat ha ka Ri Marjan jong ngi ha Bangladesh. Ki briew ki im ha ka pyrthei hapdeng bun ki jingjynjar wat lada ki long ki ba riewspah. Suki pa suki ngi sdang ban sngewthuh ïa ki daw jong bun ki jingeh bad jingkulmar ba ka dei namarba ki briew ki ïaid ha ka lynti jong ka jingdum. Kim sngewthuh shuh ïa ka jingshisha ne kim treh shuh ban im ïa ka jingshisha. Wat hapdeng ki Ri ba la im khristan mynshuwa ki sdang ban iehnoh ïa U Khrist ha ka jingmane jong ki. Ki ngop pynban ha ka jingmane bleithaw ha kaba ki kyntiew burom ïa ka spah bad ka jingsngewbha met kum u blei jong ki ha kaba pyrkhat ki don ka jinglaitluid ban jied katba ki kwah. Ka jingsngewsih ka long ba kim pat don ha ka jinglaitluid haba ki la sdang ban klet ïa U Khrist ha ka jingim jong ki. Ka jinglaitluid kan poi sha ngi haba U Jisu U sdang ban synshar ïa ka jingim jong ngi. Ka jinglaitluid bashisha ka wan sha ngi haba ngi pdiang ïa U Jisu bad ngi aiti ha U ïa ka jingim jong ngi.
U Jisu Un kyrkhu ïa phi.
Im Jisu, Vive Jisu
Ka Jingieid U Blei
Da Bah Marcel Myrthong
Ka shithi sha ki Roman 5:1 ka ong, “la pynmanhok ïa ngi da ka jingngeit” – kata kamut, ngi la ïasuk bad u Blei lyngba u Trai jong ngi u Jisu Khrist.
Da kaba don ïa “ki ktien jong” U. Ngi don ïa ki ktien jong U da kaba pule Baibyl man ka sngi. Ban don ïa U da kaba pdiang ïa U Mynsiem Bakhuid (khamtam da ka Eucharist Bakhuid). U Jisu hi u pyni nuksa, da kaba pynlut por bad u Blei lyngba ka jingduwai(personal time with God).
· Da kaba im ïa ka Roman 12:9-21.
· Da kaba bam ïa U, Ïoanis 6:25-71.
· Da kaba pdiang ïa ka met bad ka snam tang da ka jinghok Cf. 1 Kor. 11:23-34.
· Da kaba sumar ïa ki hukum u Jisu, ban dup ïasah ha ka jingieid jong U .
U Jisu u ong, (dkhot 4) “To ïaisah ha Nga, bad Nga ruh Ngan ïaisah ha phi. Ka tnat da lade kam lah ban seisoh, lymda ka ïaisah ha u dieng waiñ. Kumjuh ruh ma phi, phim lah ban seisoh lymda phi ïaisah ha Nga. [Ka jingkhot ieid jong u Jisu ïa ngi.]” Nangta u ong ruh, (dkhot 5) “namar khlem ma Nga phim lah ban leh ei ei.” bad (dkhot 7) “Lada phi ïaisah ha Nga, bad ki ktien jong Nga ki ïaisah ha phi, phi lah ban pan katba phi kwah, bad phin ïoh ïa kata”. Kine ki long ki jingkular ki bashisha.
Yn dang bteng ...
Sakhi Jingkoit:
“Ha ka retreat nga la ïoh jingkoit khamtam ha ka mynsiem, u Jisu u la pyllaitluid na ka jingshahtehmraw ha ka pop. Nga la ïoh jingkoit na ka jingpang tyrpeng bad syngkai” - Kong Wanpli Lamin Gayang(Amlarem)
“Ha ka retreat nga la sngewthuh kham bha ïa ka Ktien u Blei, nga sngewthuh khambha ïa ki pop. Nga la ïoh jingmap ïa ki pop ha ka rukom bym ju ïoh mynno mynno. Nga la ïoh jingsting & Jingtngen ha ka mynsiem". - Jossika S. Syiem, Umyiap,(Nonbah).
.
Mary our Mother
Sr. Agnes SABS
“Faith is the assurance of things hoped for, the conviction of things not seen.” (Heb 11:1)
Faith leads us to become aware of what God had promised and the people of faith are ready to do anything God asks them to do even when things remain uncertain. We have in the Old Testament (Gen 12…) the father of faith -Abraham, he believed in God without a slightest doubt. In a same way in the New Testament we have the Mother of faith– the Blessed Virgin Mary who surrendered herself totally to the will of God; “Behold I am the handmaid of the Lord.” Lk 1:38. It was only by faith Mother Mary was ready to respond to the revelation of God, thus she became the Mother of God.
As Abraham of Old Testament left his homeland trusting in God’s promises, Mary surrendered herself to God trusting in the announcement of Angel Gabriel, thus she became a model of faith for all Christians, “Blessed is she who believes…”Lk 1:45.
In Magnificat Mary professed her faith in God and then on she lived her life in the light of faith. Her faith made her to trust Joseph, her faith made her to bring up Jesus, her faith made her to journey with Jesus in his public life and on Calvary, thus by faith she tasted the fruit of Jesus’ Resurrection and again by her faith in the words of Jesus she assembled the twelve apostle at the cenacle to receive the Holy Spirit.
Mary’s path was not smooth nor very clear yet her faith made her path graceful. So let us turn to our Mother Mary asking her to help us and guide us in the path of faith through our devotion to our Mother of Faith.
​
Ave Maria!
Ka Inner Healing Retreat July 2024
Mawkhlam 15 Tarik August 2024: Ka HRRC Mawkhlam ka la pynlong ïa ka Inner Healing Retreat kyrpang ha 19-21 tarik July ban hikai ‘kumno ban duwai ïasaid’ bad ‘kumno ban long nongduwai ïasaid’. La wan ïalap da uwei u nongïalap na Kerela, u Bah Francis Konikadan ryngkat bad ka kurim jong u. Kiba la wan sha kane ka Retreat ki la poi 102 ngut bad bun napdeng jong ki ki la sngew kwah ban shim bynta ha ka jingduwai ïasaid na ka bynta ka Centre. Une u Bah Francis u la ïalap ba ki nongïasaid ki long ki atiar ba ka bneng kan plie ïa bun ki briew. U la hikai ruh ba haba ngi duwai ngi dei ban klet ïa lade hynrei ngin rah ïa ki jingdonkam jong kiwei pat hakhmat eh.
Wat lada ngi long ki lyngdoh, ki syiem, ki prophet ha ka sngi khatduh u Trai Un ym ithuh ïa ngi; hynrei kan ym long kumta lada ngi long kiba duwai ïasaid na ka bynta kiwei kum u Rangbah shispah (cf. Mt. 8:5) uba long un nongduwai ïasaid banyngkong. U Bah Francis u la ong ruh lada ngi duwai ïasaid na ka bynta kiwei, u Blei Un sa sait ïa ki pop jong ngi kiba dang sahkut naduh ki kpa tymmen jong ngi.
Duwai na ka bynta:
1) Jingtei ïa ka Retreat Hall.
2) Ka Jingtei ïa ka Divine Mercy Chapel.
3) Jingroi ka Jingïalap ka Ktien u Blei.
Jingpynbna:
Bible Convention : 14-09-2024
Inner Healing Retreat: 16-18 August 2024
Jingduwai Pynkoit : Man ka sngi palei 10:30 AM to 12:30 PM
Ministry: Home Mission, Counselling, Jingphla, Family tree healing,
Bible Study : Man ka Sngi Balang por 6:30 PM
Contact:
​
Director : Rev. Fr Joby Mathew MSFS 9383296356 Coworker : Bah Marcel Myrthong 8794751376
Donation: Phah Gpay sha 9436301365
Website: hrrcmawkhlam.com